पुणे : बहुजननामा ऑनलाइन – Maharashtra Weather | दक्षिण भारत आणि मध्य भारतात द्रोणीय स्थिती निर्माण झाल्याने राज्यात सध्या अनेक भागात गारपीट आणि अवकाळी पाऊस पडत आहे. हवामान विभागाने आज सकाळी इशारा जारी केला आहे. त्यानुसार अहमदनगर (Ahmednagar), बीड (Beed), सोलापूर (Solapur), उस्मानाबाद (Osmanabad), लातूर (Latur) जिल्ह्यात पुढील ३ ते ४ तासात विजांच्या कडकडाटासह गडगडाटी वादळी वारे वाहण्याची शक्यता आहे. (Maharashtra Weather)
३० ते ४० किमी प्रति तास वेगाने वारे वाहण्याची शक्यता असून पावसाच्या हलक्या सरी कोसळण्याची शक्यता आहे, असा इशारा देण्यात आला आहे. अहमदनगर जिल्ह्यातील शिर्डी, श्रीरामपूर येथे तसेच सोलापूर जिल्ह्यातील पंढरपूर, जेऊर येथे पावसाची शक्यता असल्याचा इशारा देण्यात आला आहे. नागरिकांनी खबरदारी घ्यावी, असे आवाहन करण्यात आले आहे. (Maharashtra Weather)
अवकाळी येणार्‍या पावसाच्या काळात विजांचा कडकडाट होत असतो. अशा वेळी अनेकदा वीज पडून काही जणांना आपले प्राण गमवावे लागतात. आकाशात वीजा चमकत असताना उंच झाडाखाली थांबू नये. पक्क्या स्लॅबच्या छताखाली थांबावे. राज्यात गुरुवारी धुळे, नंदुरबाऱ, जळगाव, नाशिक, पुणे, अहमदनगर, कोल्हापूर, सातारा, औरंगाबाद, बीड या जिल्ह्यात तुरळक ठिकाणी पावसाची शक्यता आहे. तसेच ठाणे, रायगड, रत्नागिरी जिल्ह्यात तुरळक ठिकाणी गुरुवारी व शुक्रवारी पावसाची शक्यता वर्तविण्यात आली आहे.
Web Title :- Maharashtra Weather | Chance of rain with thunderstorm in next few hours in Ahmednagar Beed Solapur Osmanabad Latur districts
Join our Whatsapp Group, Telegram, and facebook page for every update
