नवी दिल्ली : वृत्तसंस्था – एम्प्लॉईज प्राॅव्हिडंट फंड ऑर्गनायझेशन (EPFO) अंतर्गत पेन्शन प्राप्त करणारे लोक आता वर्षाच्या कोणत्याही वेळी ऑनलाइन माध्यमातून जीवन प्रमाणपत्र सादर करू शकतात. ईपीएफओने (EPFO) याबाबत माहिती दिली आहे. देशभरातील सुमारे 64 लाख लोकांना दर वर्षी जीवन प्रमाणपत्र भरावे लागते.
EPFOओने ट्विटमध्ये लिहिले आहे की, ‘निवृत्तीवेतनधारक आता त्यांच्या सोयीनुसार वर्षाच्या कोणत्याही वेळी जीवन प्रमाणपत्र सादर करू शकतात. हे जीवन प्रमाणपत्र सादर केल्याच्या तारखेपासून एक वर्षासाठी वैध असेल.
Reforms made in submission of Life Certificate benefits 64 lakhs EPS'95 Pensioners #EPFO#LifeCertificate pic.twitter.com/Fs8fs260KZ
— EPFO (@socialepfo) February 19, 2020
यापूर्वी, दरवर्षी 1 नोव्हेंबरपासून जीवन प्रमाणपत्र सादर करण्याची प्रक्रिया सुरू होते. निवृत्तीवेतनधारकांना जीवन प्रमाणपत्र सादर करण्याची 30 दिवसांची वेळ होती. नोव्हेंबर महिन्यात जर एखाद्याला जीवन प्रमाणपत्र सादर करता आले नाही तर त्याची पेन्शन जानेवारी महिन्यापासून रोखली जात होती. परंतु आता ईपीएफओच्या या नव्या सुविधेनंतर वर्षाच्या कोणत्याही वेळी जीवन प्रमाणपत्र सादर केले जाऊ शकते. एकदा सबमिट झाल्यावर पुढील 12 महिन्यांसाठी ते वैध असेल.
डिजिटल लाइफ प्रमाणपत्राची प्रथम 2015-16 या आर्थिक वर्षात पेन्शनधारकांना त्यांच्या आधार क्रमांकाच्या सहाय्याने बायोमेट्रिक पडताळणी करण्यात आली होती.
कसे मिळेल ऑनलाइन प्रमाणपत्र
आता बँक मॅनेजर किंवा कोणत्याही गॅझेटेड अधिकाऱ्याच्या मदतीने लाइफ सर्टिफिकेट बनवावे लागणार नाही. आता ईपीएफओ कार्यालयात जाऊन डिजिटल लाइफ प्रमाणपत्र सादर केले जाऊ शकते. जीवन प्रमाणपत्र पेंशन वितरण बँक, उमंग अ‍ॅप किंवा कॉमन सर्व्हिस सेंटरद्वारे देखील सादर केले जाऊ शकते.
डिजिटल लाइफ प्रमाणपत्र मिळण्यासाठी बायोमेट्रिक पडताळणी करणे अनिवार्य आहे. यासाठी आपल्याकडे आधार कार्ड नंबर, पेन्शन पेमेंट ऑर्डर, बँक खात्याचा तपशील आणि नोंदणीकृत मोबाइल नंबर असणे आवश्यक आहे.
