नवी दिल्ली : वृत्तसंस्था – कोरोनाच्या संकट असतानाही आपल्या जीवाची पर्वा न करता पोलीस अहोरात्र काम करत आहेत. मात्र याच दरम्यान खाकी वर्दीतील माणुसकीचे दर्शन घडले. उत्तर प्रदेशच्या मिर्झापूरमध्ये खाकी”तील समाजभान दाखवणारी एक घटना समोर आली आहे. पोलिसांनी एका रस्त्याच्या कडेला दिवे विकणा-या वृद्ध महिलेला मदतीचा हात देवून तिच्या चेह-यावर हसू फुलवण्याचे काम (police- buys-all-earthen-lamps-poor-family-bring-smile-their-faces) केले आहे.
मिळालेल्या माहितीनुसार, मिर्झापूरमध्ये रात्रीच्या वेळी पोलीस अधिकारी गस्त घालत होते. त्यावेळी पोलीस अधीक्षक संजय वर्मा( sp-city-sanjay-varma) यांना रात्री दहा वाजता रस्त्याच्या कडेला मातीचे दिवे विकणाऱ्या एका वृध्द महिलेला पाहिले. ही महिला आपल्या लहान मुलांना सोबत घेऊन सकाळपासून दिवे विकण्यासाठी बसली होती. रात्र झाली तरी देखील या महिलेचे दिवे विकले नसल्याचे त्यांना समजले. तेव्हा त्यांनी त्या वृद्ध महिलेकडून सर्वच्या सर्व दिवे खरेदी केले आणि जाणाऱ्या येणाऱ्या लोकांना ते वाटले.
पोलीस अधिक्षक वर्मा म्हणाले, दिवाळी असल्याने आम्ही गस्त घालत होतो. रात्र होत होती आणि सकाळपासून बसलेल्या वृद्ध महिलेचे दिवे विकले गेले नव्हते म्हणून ती अतिशय उदास होती. हेच पाहून त्यांनी तिचे सर्वच्या सर्व दिवे खरेदी करण्याचा निर्णय घेतला. त्यातील काही दिवे आपल्यासोबत असलेल्या शिपायांमध्ये देखील वाटले. उरलेले दिवे घरी आणले. यामुळे कमीतकमी त्यांच्या चेहऱ्यावर मी एक समाधान पाहू शकलो.एका हिंदी वेबसाईटने याबाबतचे वृत्त दिले आहे.