बहुजननामा ऑनलाइन टीम – तुम्ही केवळ १ रुपया देऊन २८ दिवसांची अतिरिक्त वैधता आणि ५६ जीबी हून जास्त डेटा मिळवू शकता. रिलायन्स जिओने टेलिकॉम सेक्टरमध्ये जबरदस्त स्पर्धा वाढवली आहे. रिलायन्स जिओकडे खूप सारे प्रीपेड रिचार्ज प्लान आहेत. त्यामुळे अनेकांना कोणता प्लान घ्यावा यासंबंधी संभ्रम निर्माण होतो. रिलायन्स जिओ (Reliance Jio) च्या एका खास प्लानसंबंधी माहिती देत आहोत.
जिओचा ५९८ रुपयांचा प्लान
जिओचा ५९८ रुपयांचा प्लानमध्ये रोज २ जीबी डेटा मिळतो. म्हणजेच या प्लानमध्ये युजर्संना ११२ जीबी हाय स्पीड डेटा मिळतो. डेटा लिमिट संपल्यानंतर याची स्पीड 64Kbps इतकी कमी होते. या प्लानमध्ये फ्री कॉलिंग आणि रोज १०० एसएमएस सुद्धा मिळते. याशिवाय, जिओ अॅप्सचे सब्सक्रिप्शन मिळते. जिओच्या या प्लानमध्ये कोणत्याही एक्स्टा चार्ज विना १ वर्षापर्यंत डिज्नी प्लस हॉटस्टार सब्सक्रिप्शन फ्री मिळते. या प्लानची वैधता ५६ दिवसांची आहे.
जिओचा ५९९ रुपयांचा प्लान
जिओचा ५९९ रुपयांच्या प्लानमध्ये सुद्धा २ जीबी डेटा रोज मिळतो. या प्लानमध्ये ग्राहकांना एकूण १६८ जीबी डेटा मिळतो. जिओ आपल्या या प्लानमध्ये अनलिमिटेड कॉलिंग आणि रोज १०० एसएमएस देतो. या शिवाय जिओ अॅप्सचे सब्सक्रिप्शन या पॅकमध्ये मिळते. या प्लानची वैधता ८४ दिवसांची आहे.
दोन्ही प्लानध्ये फरक फक्त १ रुपया
१ रुपयांचा फरक असलेल्या या दोन्ही प्लानमध्ये डेटा आणि वैधता याचा फरक आहे. ५९८ रुपयांच्या प्लानमध्ये ५६ दिवसांची वैधता मिळते. तर ५९९ रुपयांच्या प्लानमध्ये ८४ दिवसांची वैधता मिळते. फक्त १ रुपया खर्च करून ग्राहकांना २८ दिवसांची वैधता जास्त मिळू शकते. तसेच या दोन्ही प्लानमध्ये मोठा फरक म्हणजेच ५९८ रुपयांच्या प्लानसोबत ११२ जीबी डेटा मिळतो तर ५९९ रुपयांच्या प्लानमध्ये १६८ जीबी डेटा मिळतो. म्हणजेच ग्राहकांना अवघ्या एका रुपयात ५६ जीबी डेटा एक्स्ट्रा मिळतो.