नवी दिल्ली : वृत्तसंस्था – यूपीच्या कानपूरमध्ये ही दुर्देवी घटना घडली आहे. घाटमपूर कोतवाली परिसरातील हातरूआ नावाचे गाव आहे. येथे एका निर्दयी बापाने आपल्या एकुलत्या मुलाला पत्नी आणि दोन मुलींसमोर मारहाण केली आणि त्यात त्या चिमुकल्या मुलाचा जीव गेला. बापाच्या झोपेच्या वेळी निष्पाप मुलाने पलंगावर लघवी केली होती. यामुळे वडिलांना इतका राग आला. त्याने रागाच्या भरात आपल्या एकुलत्या एका मुलाची हत्या केली. यावेळी आईने मुलाला वाचविण्याचा प्रयत्न केला. परंतु, आरोपी संतरामचा राग शांत झाला नाही आणि मुलगा किंचाळेपर्यंत तो आपल्या ५ वर्षाच्या निरागस मुलाला मारहाण करीत राहिला. पत्नीच्या तक्रारीनंतर पोलिसांनी आरोपीला अटक केली आहे.
संतराम कानपूरच्या घाटमपूरमधील लकी भट्टीत काम करायचा. मंगळवारी मुलाची हत्या केल्यानंतर तो लोडरमधील कुटूंबासह हमीरपूर गावी गेला. जाताना त्याने पत्नी व दोन्ही मुलींना धमकावले की कोणालाही काहीही सांगण्याची गरज नाही. पण संधी मिळताच पत्नीने आपल्या भावाला बोलावून घडलेली घटना सांगितली . महिलेच्या भावाने तातडीने घटनेची माहिती पोलिसांना दिली. यानंतर त्याला पकडले आणि मुलाचा मृतदेह घेऊन घाटमपूर पोलीस ठाण्यात त्याला आणले.
दरम्यान, एपीसी बृजेश कुमार श्रीवास्तव म्हणाले, की आरोपीला अटक करुन तुरूंगात पाठविण्यात आलं आहे. मुलाच्या मृतदेह शवविच्छेदन कुटुंबीयांच्या ताब्यात देण्यात आले आहे.