नवी दिल्ली : वृत्तसंस्था – अमेरिका आणि चीनमधील तणाव दिवसेंदिवस वाढत आहे. अमेरिकेचे राष्ट्राध्यक्ष डोनाल्ड ट्रम्प यांनी यापूर्वीही अनेकदा चीनला खडे बोल सुनावले आहे. यादरम्यान ट्रम्प यांनी सोमवारी पुन्हा एकदा चीनवर मोठा आरोप केला आहे. ट्रम्प यांनी ट्विटमध्ये म्हटले आहे की, चीनने अमेरिका आणि इतर संपूर्ण जगाचे बरेच नुकसान केले आहे.
चीनपासून पसरलेल्या साथीचा परिणाम अमेरिकेला सर्वाधिक झाला आहे. त्यामुळे त्यांची यंत्रणा देखील कोलमडली आहे. यामुळे ट्रम्प सतत चीनवर टीका करत आहेत. ट्रम्प यांनी यापूर्वी अमेरिकेच्या स्वातंत्र्यदिनी म्हटले होते की जेव्हा काही देशांकडून कोट्यवधी डॉलर्स अमेरिकेच्या तिजोरीत येत होते, त्याच वेळी चीनकडून व्हायरसचा फैलाव झाल्याचा परिणाम देशाला झाला होता.
https://twitter.com/realDonaldTrump/status/1280116392990253056
यापूर्वी ट्रम्प म्हणाले होते की, अमेरिकेत गाऊन, मास्क आणि शस्त्रक्रिया वस्तू बनविल्या जात आहेत, ज्यापूर्वी केवळ परदेशी देशात, विशेषत: चीनमध्ये या वस्तू बनविल्या जात होत्या जेथून हा व्हायरस आणि इतर गोष्टी आल्या आहेत. हा आजार जगभर पसरत असल्याने चीनने हा रोग लपविला. यासाठी चीनला पूर्णपणे जबाबदार धरले पाहिजे.