बहुजननामा ऑनलाइन टीम -नवी दिल्लीः वृत्तसंस्था: पोस्ट खात्यात युवकांसाठी बम्पर सरकारी भरती(Sarkari Naukri) निघाली आहे. भारतीय पोस्ट खात्याने महाराष्ट्र पोस्टल सर्कलमध्ये 1371 पदांवर भरतीसाठी अर्ज मागविले आहेत. या भरतीसाठी(Sarkari Naukri) पात्र व इच्छुक उमेदवार ऑनलाईन अर्ज करू शकतात. अर्ज प्रक्रिया सुरू झाली आहे. 10 नोव्हेंबर रोजी रात्री 11.59 वाजेपर्यंत या रिक्त पदासाठी उमेदवार अर्ज करू शकतात. या भरतीसाठी नोंदणीची अंतिम तारीख 3 नोव्हेंबर 2020 रोजी निश्चित करण्यात आली होती, ती वाढवून 10 नोव्हेंबर 2020 करण्यात आली आहे.
योग्यता
पोस्टमन आणि मेल गार्ड या पदासाठी अर्जदाराकडे कोणत्याही मान्यताप्राप्त बोर्डाचे 12 वी पास प्रमाणपत्र असावे. तसेच अर्जदाराची स्थानिक भाषा मराठी असली पाहिजे आणि त्याला मराठी माहित असायला हवी. मल्टी टास्किंग स्टाफ (एमटीएस) पदासाठी अर्ज करण्यापूर्वी तुमच्याकडे एका मान्यताप्राप्त बोर्डाचे दहावी पास प्रमाणपत्र आहे आणि तुम्हाला मराठी भाषा माहित आहे. या भरती अंतर्गत संगणक आधारित परीक्षेच्या आधारे उमेदवारांची निवड केली जाईल.
पगार
पोस्टमन आणि मेलगार्डच्या पदांसाठी अर्ज करणाऱ्या उमेदवारांचा पगार वेतन मॅट्रिक्स लेव्हल तीन वर आधारित असेल. ते 21,700 ते 69,100 रुपयांच्या दरम्यान असेल.
मल्टी टास्किंग स्टाफ (एमटीएस) पदांसाठी निवड झालेल्या उमेदवारांना वेतन मॅट्रिक्स लेव्हल 1 नुसार पगार मिळेल. ते 18,000 रुपयांपासून ते 56,900 रुपयांपर्यंत असेल.
महाराष्ट्र पोस्टल सर्कल भरतीचा तपशील
पोस्टमन – 1029 पोस्ट
मल्टी टास्किंग स्टाफ (एमटीएस) – 327 पोस्ट
मेलगार्ड – 15 पोस्ट
वय श्रेणी
पोस्टमन, मेलगार्ड आणि मल्टी टास्किंग स्टाफ (एमटीएस) साठी अर्ज करणारे उमेदवार 18 ते 27 वर्षे वयोगटातील असावेत. वय 3 नोव्हेंबर 2020 पर्यंत वयाच्या आधारावर मोजले जाईल.
अर्ज फी
या भरती संबंधित परीक्षेसाठी यूआर / ओबीसी / ईडब्ल्यूएस प्रवर्गाच्या उमेदवाराला 500 रुपये द्यावे लागतील. त्याचबरोबर एससी / एसटी / पीडब्ल्यूडी आणि महिला प्रवर्गाच्या उमेदवारांना अर्ज फी म्हणून केवळ 100 रुपये द्यावे लागतील.