नांदेड : बहुजननामा ऑनलाईन – देशाला जनतेला मोदींनी मोठमोठी स्वप्ने दाखवून देशवासीयांचा केसाने गळा कापला, अशा घणाघात राज ठाकरे यांनी केला. ते नांदेड येथील सभेत बोलत होते .देशातील सध्याची परिस्थिती पाहता नरेंद्र मोदी आणि अमित शहा यांनी अघोषित हुकूमशाही आणली आहे तिला मोडून काढण्यासाठी लोकसभा निवडणुकीदरम्यान राज्यातील विविध भागात राज ठाकरे सभा नियोजित करण्यात आल्या आहेत. त्यापैकी पहिली सभा आज नांदेड येथे झाली. सभेची सुरुवात झाल्यावर नरेंद्र मोदी आणि अमित शहा यांच्या जोडगोळीने देशावर लादलेल्या आणीबाणीवरून जोरदार आक्षेप घेतला.
राज ठाकरे म्हणाले,”माझा पंतप्रधान नरेंद्र मोदींवर राग आहे. कारण मोदींनी केसाने गळा कापला. पाच वर्षांपूर्वी पंतप्रधान नरेंद्र मोदी यांनी मोठमोठी स्वप्ने दाखवली.मात्र ही स्वप्ने खोटी होती.’ त्यामुळे जनतेचा भ्रमनिरास झाला आहे .अहमदनगर येथील मोदींच्या सभेला काळे कपडे घालून येण्यास मनाई करण्यात आली होती. याचं कारण म्हणजे मोदी बिथरले आहेत. घाबरले आहेत, असा टोलाही राज ठाकरे यांनी लगावला.