मुंबई : बहुजननामा ऑनलाइन – राज्यात कोरोना संसर्गाने पुन्हा एकदा डोके वर काढले आहे. कालच्या तुलनेत आज नवीन रुग्णांच्या संख्येत मोठी वाढ झाली आहे. शुक्रवारी (दि.19) 6 हजार 112 रुग्ण आढळून आले होते. त्यामध्ये आज (शनिवार) थोडी वाढ झाली असून आज गेल्या 24 तासात राज्यात 6 हजार 281 नवीन रुग्णांची भर पडली आहे.
Maharashtra reported 6,281 new COVID-19 cases, 2,567 discharges, and 40 deaths in the last 24 hours, as per State Health Department
Total cases: 20,93,913
Total recoveries: 19,92,530
Active cases: 48,439
Death toll: 51,753 pic.twitter.com/aQ8gOWRq2x— ANI (@ANI) February 20, 2021
राज्यात आज 40 कोरोना बाधित रुग्णांचा मृत्यूंची नोंद झाली असून आतापर्यंत कोरोनाने एकूण 51 हजार 753 जणांचा मृत्यू झाला आहे. राज्यातील कोरोना मृत्यूदर सध्या 2.47 टक्के इतका आहे. आज राज्यात 2 हजार 567 रुग्ण बरे होऊन घरी परतले आहेत. आज पर्यंत राज्यात 19 लाख 92 हजार 530 रुग्ण कोरोनामुक्त झाले असून त्यांना रुग्णालयातून घरी सोडण्यात आले आहे. राज्यात रुग्ण बरे होण्याचे प्रमाण 95.16 एवढे झाले आहे.
आजपर्यंत 1 कोटी 56 लाख 52 हजार 742 प्रयोगशाळा नमुन्यापैकी 20 लाख 93 हजार 913 नमुने पॉझिटिव्ह आले आहेत. राज्यात रुग्ण आढळून येण्याचे प्रमाण 13.38 टक्के आहे. सध्या राज्यात 2 लाख 28 हजार 60 व्यक्ती होमक्वारंटाइनमध्ये आहेत. तर 1 हजार 610 व्यक्ती संस्थात्मक क्वारंटाइनमध्ये आहेत. राज्यातील अ‍ॅक्टिव्ह रुग्णांचा आकडा वाढत आहे. काही दिवसांपूर्वी 30 हजारापर्यंत खाली आलेली अ‍ॅक्टीव्ह रुग्णांची संख्या आता 48 हजार 439 इतकी झाली आहे. यामध्ये सर्वाधिक 9 हजार 217 अ‍ॅक्टिव्ह रुग्ण पुणे जिल्ह्यात आहेत.
