Gold Price Today | सोने घसरले, चांदीत किरकोळ चमक, जाणून घ्या सराफा बाजारातील नवे दर

नवी दिल्ली : वृत्तसंस्था – Gold Price Today | सोन्याच्या दरात घसरण सुरूच आहे. दिल्ली सराफा बाजारात मंगळवारी पुन्हा एकदा सोन्याचा भाव 66 रुपयांनी घसरून 51,469 रुपये प्रति 10 ग्रॅम झाला. त्याचवेळी चांदीच्या दरात चार रुपयांची किरकोळ वाढ दिसून आली. चांदी आज 55,550 रुपये प्रति किलोवर पोहोचली आहे. एचडीएफसी सिक्युरिटीजचे वरिष्ठ विश्लेषक तपन पटेल यांनी सांगितले की, रुपयातील तेजीनंतर सोन्याच्या किमतीत घट झाली आहे. (Gold Price Today)

Join our Whatsapp Group, Telegram, and  facebook page  for every update

मागील सत्रात सोने-चांदीत घसरण दिसून आली होती. सोने 51,535 रुपये प्रति 10 ग्रॅम आणि चांदी 55,546 रुपये प्रति किलोवर बंद झाली होती. त्याचवेळी आंतरराष्ट्रीय बाजारात सोन्या-चांदीच्या किमतीत विशेष बदल झालेला नाही. एचडीएफसी सिक्युरिटीनुसार, आंतरराष्ट्रीय बाजारात सोने 1,736.80 डॉलर प्रति औंस आणि चांदी 18.81 डॉलर प्रति औंसवर व्यवहार करत आहे. आज सुरुवातीच्या व्यवहारात रुपया डॉलरच्या तुलनेत 7 पैशांनी मजबूत झाला होता, परंतु व्यवहाराच्या अखेरीस तो 10 पैशांनी घसरला आणि तो 79.94 च्या पातळीवर बंद झाला. (Gold Price Today)

एमसीएक्सवर सोने महागले, चांदी घसरली
मल्टीकमोडिटी एक्सचेंजवर मंगळवारी 24 कॅरेट सोन्याचा भाव 44 रुपयांनी वाढून 51,282 रुपये प्रति 10 ग्रॅम झाला. आज सकाळी सोन्याचा भाव मागील बंद भावापेक्षा 0.09 टक्क्यांनी जास्त होता. त्याचवेळी चांदीच्या दरातही घसरण दिसून आली. चांदी आज 274 रुपयांनी घसरून 54,055 रुपये प्रतिकिलो झाली. सणासुदीच्या काळात आता सोन्या-चांदीच्या दरात काही प्रमाणात वाढ होण्याची शक्यता आहे.

शेअर बाजारात मोठी तेजी
कच्च्या तेलाच्या किमतीत झालेली घसरण आणि सकारात्मक जागतिक संकेत यामुळे देशांतर्गत शेअर बाजारात आज जबरदस्त तेजी पाहायला मिळाली.
30 शेअर्सच्या सेन्सेक्सने आज जवळपास 6 महिन्यांनंतर 1500 अंकांची उसळी घेतली.
सोबतच निफ्टीनेही जवळपास 450 अंकांची आघाडी घेतली आहे.
मंगळवारी सेन्सेक्स 1564.45 (2.70%) अंकांनी वाढून 59,527 वर बंद झाला.
तर निफ्टी 446.49 (2.58%) अंकांनी उसळी घेऊन 17759.30 वर बंद झाला.
आज निफ्टीवरील एकही शेअर तोट्यासह बंद झाला नाही.
त्याचवेळी, ऑटो, मेटल आणि आयटी शेअर्सनी आज बाजारात जबरदस्त ताकद दाखवली.

Join our Whatsapp Group, Telegram, and  facebook page  for every update

Web Title :- Gold Price Today | gold price today down rs 66 silver price is up by rs 4 in delhi

हे देखील वाचा :

Pune Pimpri Crime | देहूरोड येथे घरात घुसून अल्पवयीन मुलीचा विनयभंग, बचावासाठी मुलीने केला आरोपीवर चाकू हल्ला

Pune Crime | रेशनिंग धान्याचा काळाबाजार ! प्रेमचंद जैन, प्रकाश सोलंकी, प्रमोद सोलंकी यांच्यावर FIR , 17 लाखाचा मुद्देमाल जप्त

New Rules From September 2022 | 1 सप्टेंबर पासून होणार मोठे बदल, सर्वसामान्यांवर होणार परिणाम