नवी दिल्ली : वृत्तसंस्था- 1 सप्टेंबरपासून कॅशमधील व्यवहारांचे नियम बदलले आहेत. आता एका मर्यादेपेक्षा जास्त कॅश काढल्यानंतर 2 टक्के TDS लावला आहे. कॅशमध्ये पैशांच्या व्ययहारांमधील 7 नियमांबद्दल जाणून घेऊयात.
1) कॅशमध्ये कर्ज घेतलं तर काय होणार- जर कोणी तुम्हाला कर्जाची रक्कम थेट अकाऊंटवर पाठवत असेल तर ही मर्यादा 20 हजार रुपये आहे. जर 20,000 पेक्षा जास्त कॅश लोन घेतलं तर तर 100 टक्के पेनल्टी द्यावी लागेल. कॅशमध्ये डोनेशन देत असाल तर फक्त 2000 रुपयांपर्यंतच द्या. 2000 रुपयांहून जास्त कॅश दान दिली तर 80G मध्ये सूट मिळणार नाही. इनकम टॅक्समध्ये 80G अंतर्गत सूट मिळते.
2) घरी कॅश ठेवण्याची मर्यादा- टॅक्स एक्सपर्ट्स सांगतात की, घरी कॅश ठेवण्याला काही मर्यादा नाही. परंतु घरी कॅशचा सोर्स सांगणंही गरजेचं आहे. जर कोणी याची माहिती दिली नाही तर त्याला 137% पर्यंत पेनल्टी द्यावी लागू शकते.
3) बँकेतून कॅश काढणे आणि जमा करणे- टॅक्स एक्सपर्ट्स सांगतात की, बँकेच्या खात्यातून कॅश काढल्यानंतर कोणताही टॅक्स लागत नाही. परंतु जुलैमधील बजेटमध्ये कॅश काढण्याबाबतच्या टॅक्सबद्दल घोषणा करण्यात आली आहे. म्हणजेच 1 सप्टेंबरपासून 1 कोटींहून अधिक कॅश काढल्यानंतर 2 टक्के टीडीएस द्यावा लागणार आहे. बँकेत कॅश जमा करण्याची कोणतीच मर्यादा नाही. नियम डिपॉझिटच्या रकमेची माहिती देण्याबाबत आहे.
सेव्हींग अकाऊंटबाबतही काही नियम ठरवण्यात आले आहेत. एकदाच 2 लाख रुपये किंवा त्यापेक्षा जास्त जमा केली किंवा सेव्हींग अकाऊंटमध्ये 50000 रुपयांपेक्षा जास्त कॅश जमा करत असाल तर तुम्हाला पॅन कार्ड देणं गरजेचं आहे. कॅशमध्ये पे ऑर्डर किंवा डिमांड ड्राफ्टही बनवत असाल तर पे ऑर्डर-DD च्या संदर्भातही पॅन नंबर द्यावा लागेल.
एका वर्षात 10 लाख रुपये किंवा त्यापेक्षा जास्त जमा केले तर अशात तुमचं नाव अॅन्युअल इंफोर्मेशन रिपोर्टमध्ये जाईल. सेव्हींग अकाऊंटव्यतिरीक्त चालू खात्यासाठी ही मर्यादा 50 लाख रुपये निश्चित आहे.
4) प्रॉपर्टी विकल्यावर मिळणारी कॅश- प्रॉपर्टी विकल्यानंतर कॅश घेण्याची मर्यादा ठरलेली आहे. तुम्ही केवळ 20,000 रुपये कॅशचा व्यवहार करू शकता. आता 20000 रुपयांहून अधिक कॅश घेतल्यानंतर 100 टक्के पेनल्टी द्यावी लागेल.
5) जर कोणाला कॅश पेमेंट केल तर ? – कॅशमध्ये पेमेंट करण्याची मर्यादाही ठरलेली आहे. खासगी आणि व्यवसायिक खर्चासाठी नियम ठरलेले आहेत. वैयक्तिक खर्चासाठी रोख 2 लाख रुपये तर व्यवसायिक खर्चासाठी 10,000 रुपयांर्यंत कॅश लिमिट आहे.
6) लग्नातील रोख खर्चालाही आहेत नियम- लग्नात कॅश खर्च करण्याला कोणताही नियम नाही. पंरतु पैशांच्या वापरासंबंधी नियम आहेत. 2 लाख रुपयांपेक्षा जास्त खरेदी एकाच व्यक्तीकडून केली असेल तर तुमचं नाव इनकम टॅक्स डिपार्टमेंटकडे जाईल.अशात तुमची चौकशी होऊ शकते. बरोबर उत्तरे नाही देता आली तर 78 टक्के टॅक्स आणि व्याज लागेल.
7) जर कोणाला गिफ्ट म्हणून कॅश द्यायची असेल तर- तुम्ही 2 लाख रुपयांपेक्षा कमी कॅश गिफ्ट देऊ शकता. जर 2 लाखांहून अधिक कॅश असेल तर 100 टक्के पेनल्टी लागेल. 2 लाखांची सूटही केवळ नातेवाईकांसाठी आहे. इतरांना कॅश गिफ्ट द्यायची असेल तर 50000 हजारांची मर्यादा आहे. जर ही रक्कम 50000 पेक्षा जास्त असेल तर टॅक्स द्यावा लागेल.