बहुजननामा ऑनलाइन टीम – Vitamin And Mineral For Health | जर तुम्हाला दीर्घकाळ निरोगी राहायचे असेल, तर शरीरासाठी योग्य प्रमाणात जीवनसत्त्वे (Vitamins) आणि खनिजे (Minerals) आवश्यक असतात. पोषकतत्वांनी युक्तआहार घेतल्यास शरीर मजबूत होते. यामुळे इम्युनिटी (Immunity) मजबूत होते. हाडे (Healthy Bones), स्नायू (Muscles) आणि पेशी मजबूत करण्यासाठी जीवनसत्त्वे, अमीनो अ‍ॅसिड खूप महत्वाचे आहेत (Vitamin And Mineral For Health).
जर तुमच्या शरीरात या आवश्यक पोषकतत्वांची कमतरता असेल तर अनेक आजार वाढू लागतात. मात्र, योग्य आहार आणि जीवनशैलीने आपण शरीर निरोगी बनवू शकतो. नैसर्गिक स्त्रोतांमधून जीवनसत्त्वे, खनिजे आणि अमीनो अ‍ॅसिडची कमतरता कशी पूर्ण करता येते, ते जाणून घेवूयात.
* निरोगी शरीरासाठी जीवनसत्त्वे (Vitamins For Healthy Body)
Vitamin A –
डोळे निरोगी ठेवण्यासाठी, संसर्ग टाळण्यासाठी, सूज दूर करण्यासाठी आणि इम्यूनिटी मजबूत करण्यासाठी व्हिटॅमिन ए खूप महत्वाचे आहे. निरोगी राहण्यासाठी, आपण आहारात व्हिटॅमिन ए युक्त पदार्थांचा समावेश केला पाहिजे. व्हिटॅमिन ए साठी हिरव्या भाज्या, पालक, शिमला मिरची, रताळे, गाजर, पपई, आंबा, दूध, दही आणि चीज यांचा आहारात समावेश करा.
Vitamin B –
शरीर आणि मन निरोगी ठेवण्यासाठी व्हिटॅमिन बी खूप महत्वाचे आहे. व्हिटॅमिन बी चे एकूण 8 प्रकार आहेत. व्हिटॅमिन बी तुमच्या मेंदूला निरोगी ठेवते. डोळे, त्वचा आणि केसांची समस्या दूर होते. व्हिटॅमिन बी चेतासंस्था निरोगी ठेवण्यातही महत्त्वाची भूमिका बजावते. व्हिटॅमिन डीचे नैसर्गिक स्त्रोत म्हणजे अंडी, सोयाबीन, टोमॅटो, अक्रोड, बदाम, गहू, ओट्स, चिकन, मासे, दूध यासारखे पदार्थ.
Vitamin C –
इम्युनिटी मजबूत करण्यासाठी व्हिटॅमिन सी सर्वात महत्वाचे आहे. व्हिटॅमिन सी इम्युनिटी मजबूत करते. केस, त्वचा, नखे आणि संसर्गापासून बचाव करण्यासाठी व्हिटॅमिन सी महत्त्वाची भूमिका बजावते. व्हिटॅमिन सी साठी, आपण आहारात आंबट फळे आणि हिरव्या भाज्या खाऊ शकता. संत्रा, लिंबू, पेरू, किवी, स्ट्रॉबेरी, लीची, पपई, पालक, ब्रोकोली, केळे, शिमला मिरची यांसारख्या गोष्टी तुम्ही खाऊ शकता. (Vitamin And Mineral For Health)
Vitamin D –
व्हिटॅमिन डी मजबूत हाडे आणि दातांसाठी आवश्यक आहे. तसेच इम्युनिटी मजबूत होण्यास मदत होते. सूर्यप्रकाशाशिवाय मासे, दूध, चीज, अंडी, मशरूम यांसारखे पदार्थ व्हिटॅमिन डीची कमतरता पूर्ण करू शकतात.
* निरोगी शरीरासाठी खनिजे (Minerals For Healthy Body)
कॅल्शियम (Calcium) –
शरीरातील आवश्यक खनिजांपैकी कॅल्शियम हे सर्वात महत्वाचे आहे.
कॅल्शियम हा मेंदूसाठी सर्वात महत्त्वाचा घटक मानला जातो. कॅल्शियम मेंदूकडून शरीराच्या सर्व भागांमध्ये माहिती पाठवण्याचे काम करते.
कॅल्शियमची कमतरता तुम्ही अन्नाने भरून काढू शकता. यासाठी दुग्धजन्य पदार्थ, कडधान्ये, सोयाबीन, हिरव्या पालेभाज्या, वाटाणे, शेंगा, शेंगदाणे, अक्रोड, सूर्यफुलाच्या बिया, संत्री यांचा आहारात समावेश करा.
पोटॅशियम आणि सेलेनियम (Potassium And Selenium) –
पचनसंस्था निरोगी ठेवण्यासाठी आणि हृदय निरोगी ठेवण्यासाठी पोटॅशियम आवश्यक आहे.
दुसरीकडे, सेलेनियमच्या कमतरतेमुळे, स्नायू कमकुवत होऊ लागतात. त्यामुळे सांधेदुखीचा त्रास सुरू होतो.
रताळे, वाटाणे, भोपळा, बटाटा, केळी, संत्री, काकडी, मशरूम, वांगी, बेदाणे,
खजूर यांचा आहारात समावेश करून पोटॅशियमची कमतरता भरून काढू शकता.
सेलेनियमसाठी, आपण अन्नमध्ये सोया दूध, डुकराचे मांस, चिकन, मासे, अंडी, केळी, ब्लूबेरी समाविष्ट करू शकता.
* आरोग्यासाठी अमीनो अ‍ॅसिड (Amino Acid For Health)
शरीर निरोगी ठेवण्यासाठी प्रथिने अत्यंत आवश्यक असतात. प्रथिने शरीराला सर्व आवश्यक अमीनो अ‍ॅसिड प्रदान करतात.
शरीराला निरोगी ठेवण्यासाठी 20 प्रकारच्या अमिनो अ‍ॅसिडपैकी 9 अत्यावश्यक अमीनो अ‍ॅसिड असतात.
जे स्नायू, पेशी आणि ऊती तयार करण्यासाठी आवश्यक आहेत. दूध, चीज, अंडी, हिरव्या भाज्या, फळे,
अवोकॅडो, ड्राय फ्रूट्स, चिकन, मांस यासारख्या गोष्टी अमिनो अ‍ॅसिडचे चांगले स्रोत आहेत.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही
कुठलंही समर्थन करत नाही. त्यांना केवळ सल्ला म्हणून घ्यावं.
अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Vitamin And Mineral For Health | vitamin a b c d health benefits and natural food source calcium mineral and herbal extracts for body and fitness
Join our Whatsapp Group, Telegram, and facebook page for every update
Low Haemoglobin Level | रक्ताची कमतरता असल्यास शरीर देते ‘हे’ 5 संकेत, ही लक्षणे आढळली तर व्हा सावध
