नवी दिल्लीः वृत्तसंस्था – देशात बँकिंग फसवणूकीची प्रकरणे दररोज वाढत आहेत. आजकाल फसवणूक करणारे ग्राहक नवीन मार्गांनी फसवणूक करण्यास सुरवात करीत आहेत. या प्रकारची फसवणूक टाळण्यासाठी देशातील सर्वात मोठी सरकारी बँक एसबीआय (स्टेट बँक ऑफ इंडिया) आपल्या ग्राहकांना सतर्क करत राहते. याच अनुषंगाने बँकेने एक ट्विट जारी करून आपल्या लाखो ग्राहकांना सतर्क राहण्याचे आवाहन केले आहे. एसबीआयने आपल्या ग्राहकांना असे कोणतेही मेल पाठवत नसल्याचेही सांगितले आहे.
आजकाल बँकेचे ग्राहक कोणत्याही माहितीसाठी गुगलचा वापर करतात, पण बर्याच वेळा गुगलवर शोध घेतल्यानंतरही ग्राहकांना योग्य माहिती मिळू शकत नाही. म्हणूनच, बँकेशी संबंधित कोणत्याही प्रकारच्या माहितीसाठी आपण बँकिंग वेबसाइट वापरली पाहिजे.
एसबीआयने ट्विट करुन माहिती दिली
एसबीआयने आपल्या अधिकृत ट्विटर हँडलवर ट्वीट केले आहे की, ग्राहकांनी बँकेशी संबंधित कोणत्याही सेवेबद्दल जाणून घेण्यासाठी हेल्पलाइन नंबर किंवा वेबसाइट वापरली पाहिजे.
There’s a reason why we ask our customers to check our official website for banking related information and contact numbers because not everything you find on the internet is genuine.#SBI #StateBankOfIndia #StaySafe #StayVigilant #CustomerCare #SafetyTips pic.twitter.com/JtkhbcDKHO
— State Bank of India (@TheOfficialSBI) December 2, 2020
या वेबसाइटला भेट द्या
गूगल सर्चद्वारे बऱ्याच वेळा लोक बनावट वेबसाइटवर जातात, म्हणून एसबीआय बँकेशी संबंधित कोणतीही माहिती किंवा अपडेटसाठी https://bank.sbi वर भेट द्या, असे बँकेने म्हटले आहे.
टोल फ्री क्रमांकावर कॉल करा
एसबीआयने ग्राहक सेवा क्रमांकही जारी केला आहे. कोणत्याही माहितीसाठी ग्राहक सेवा क्रमांकावर 1800 11 2211, 1800 425 3800 किंवा 080 26599990 वर संपर्क साधू शकता आणि बँकेशी संबंधित कोणतीही माहिती घेऊ शकता.
बनावट मेलचे शिकार होऊ नका
याशिवाय एसबीआयने आपल्या कोट्यावधी ग्राहकांना सतर्क केले असून ते म्हणाले की, बनावट ई-मेल आमच्या ग्राहकांना पाठविण्यात येत आहेत. एसबीआयचा या ई-मेलशी संबंधित नाही. या प्रकरणात, आपण ईमेल उघडणे टाळावे. एसबीआय म्हणाले की, ग्राहकांनी सोशल मीडियावर सावध रहावे आणि कोणत्याही दिशाभूल आणि बनावट मेसेजमध्ये जाऊ नये. बँकेने म्हटले आहे की, जर आपण त्याची काळजी घेतली नाही तर तुमचे बँक खाते रिक्त होऊ शकते.