बहुजननामा ऑनलाइन टीम – अल्पवयीन मुलीचे फोटो काढून ते व्हायरल करण्याचा धमकी देत तिच्यावर वांरवार बलात्कार केल्याप्रकरणी पोलिसांनी वडगाव(Pune ) येथील भारत पेट्रोल पंपावरील दोन कर्मचाऱ्यांना अटक केली आहे.
गणेश कृष्णा भोसले व राजू ऊर्फ राजकुमार आनंदराव मामीलवाड दोघेही (रा. वडगाव मावळ ) (Pune )अशी अटक केलेल्यांची नावे आहेत. वडगाव न्यायालयाने आरोपीना 6 नोव्हेंबरपर्यंत पोलीस कोठडीत ठेवण्याचे आदेश दिले आहेत. याप्रकरणी मुलीच्या आईने वडगाव मावळ पोलिस ठाण्यात फिर्याद दिली आहे.
वडगाव पोलिसांनी दिलेल्या माहितीनुसार, पीडित मुलगी व तिची आई अशा दोघेही वडगाव येथील भारत पेट्रोल पंपावर कामाला आहेत. 31 ऑक्टोबर रोजी सकाळी मुलगी कामाला गेल्यावर रात्री उशिरापर्यंत ती घरी परतलीच नाही. त्यानंतर नातेवाइकांनी पेट्रोल पंपावर चौकशी केली असता ती काम करून गेल्याचे सांगण्यात आले. पण ती घरी न आल्याने हरवल्याची तक्रार देण्यासाठी नातेवाईक वडगाव पोलिस ठाण्यात गेले. त्यांना मुलगी तळेगाव येथे असल्याचे समजले. घरी आणल्यानंतर आईने विश्वासात घेऊन मुलीला विचारणा केली. यावेळी मुलीने सांगितले, की पेट्रोल पंपावरील गणेश भोसले याने 10 ऑगस्ट रोजी तिच्यासोबत प्रेम असल्याचे सांगून जबरदस्तीने शारीरिक संबंध प्रस्थापित केले. तिचे फोटो काढून ते व्हायरल करण्याची धमकी देत पाच वेळा बलात्कार केला. 6 ऑक्टोबर रोजी गणेशचा मित्र राजू याने मुलीला घरी बोलावून तिच्यावर अत्याचार केला. पुढील तपास वडगाव पोलिस करीत आहे.