नवी दिल्ली : वृत्तसंस्था – केंद्र सरकारच्या प्रधानमंत्री जीवन ज्योती विमा योजनेचा (PMJJBY) 330 रुपयांवरून प्रीमियम वाढवल्यानंतर आता सरकारने आणखी एक मोठा निर्णय घेतला आहे. योजनेंतर्गत नोंदणी केलेल्या 6 कोटींहून जास्त ग्राहकांना याचा लाभ होण्याची अपेक्षा आहे. (PMJJBY)
Join our Whatsapp Group, Telegram, and facebook page for every update
काय आहे निर्णय :
भारतीय विमा नियामक आणि विकास प्राधिकरण (IRDAI) ने सरकारद्वारे चालवल्या जाणार्या प्रधानमंत्री जीवन ज्योती विमा योजनेत (PMJJBY) विमा कंपन्यांचा सहभाग वाढवण्यासाठी भांडवल आवश्यकतांशी संबंधित नियम शिथिल केले आहेत.
ताज्या निर्णयानुसार, आता विमा कंपन्यांची भांडवल आवश्यकता 50 टक्के करण्यात आली आहे.
या कृतीमुळे विमा कंपन्या जीवन ज्योती योजनेअंतर्गत अनेक नवीन पॉलिसी देऊ शकतील.
यामुळे समाजातील खालच्या स्तरातील लोकांना आर्थिक सुरक्षा मिळण्यास मदत होईल.
नियमांमध्ये बदल केल्यानंतर, जीवन ज्योती योजना ऑफर करणार्या विमा कंपन्यांना कमी भांडवलाची आवश्यकता असेल.
यामुळे विमा कंपन्यांना सरकारने ठरवून दिलेले लक्ष्य गाठणे सोपे होईल.
प्रीमियम वाढला आहे :
सरकारने प्रधानमंत्री जीवन ज्योती विमा योजनेचा प्रीमियम दर वाढवण्याची घोषणा केली आहे.
आता जीवन ज्योती योजनेचा प्रीमियम दर 1.25 रुपये प्रतिदिन झाला आहे, ज्यामुळे त्याचा वार्षिक प्रीमियम 330 रुपयांवरून 436 रुपये झाला आहे.
31 मार्च 2022 पर्यंत या योजनेअंतर्गत 6.4 कोटी लोकांनी नोंदणी केली होती.
Join our Whatsapp Group, Telegram, and facebook page for every update
रु. 2 लाख कव्हर :
योजनेंतर्गत, 18 – 50 वयोगटातील विमाधारकास 2 लाख रुपयांचे जीवन विमा संरक्षण दिले जाते.
2021 – 22 या आर्थिक वर्षाच्या अखेरीपर्यंत, या योजनेंतर्गत एकूण 9,737 कोटी रुपयांची प्रीमियम रक्कम जमा करण्यात आली आणि दाव्यांच्या बदल्यात 14,144 कोटी रुपये भरले गेले.
Web Title :- PMJJBY | irdai eases capital requirement for pmjjby to encourage more insurers to participate detail
हे देखील वाचा :
PM Kisan Yojana | शेतकर्यांसाठी खुशखबर ! घरबसल्या काढू शकता पैसे
Petrol-Diesel Price Today | जाणून घ्या आजचे महाराष्ट्रातील पेट्रोल-डिझेलचे दर
Pankaja Munde | ‘माझे कार्यकर्ते सोबर, धनंजय मुंडेचे कार्यकर्ते दबंग’ – पंकजा मुंडे