पुणे : बहुजननामा ऑनलाईन – गेले काही दिवस जी चर्चा सुरु होती, ती आज पूर्ण झाली. पुण्यात पेट्रोलने शंभरी पार केली आहे. पॉवर पेट्रोलचा आजचा प्रति लिटर दर १००.३१ रुपये इतका झाला आहे. पेट्रोल, डिझेलच्या दरात दररोज वाढ होत असली तरी त्याचा दर वाढता आहे. गेले काही दिवस पेट्रोलचा दर हा २५ ते ३० पैशांनी वाढत होता तर, डिझेलचा दर हा २७ ते ३२ पैशांनी वाढ होत होती. पण आज त्यातही मोठी वाढ झाली आहे.
शनिवारी पेट्रोलच्या दरात सर्वाधिक ३७ पैशांनी वाढ होऊन पेट्रोल प्रति लिटर ९६.६२ रुपये इतका झाला आहे. डिझेलच्या दरात आज ३८ पैशांनी वाढ होऊन डिझेल प्रति लिटर ८६.३८ रुपये इतका झाला आहे.
शुक्रवारी पॉवर पेट्रोलचा दर ९९.९३ रुपये लिटर होता. पॉवर पॅट्रोलचा किंमतीत ३८ पैशांनी वाढ झाली आहे. तो आता १००.३१ रुपये लिटर झाला आहे.