मुंबई : बहुजननामा ऑनलाईन – सोनं खरेदी करण्यासाठी भारतीयांची नेहमीच पसंती दिसून येते. मग लग्नसमारंभ असो, कोणाला गिफ्ट द्यायचं असो किंवा कोणत्या सणाला केलेली खरेदी असो. अनेकजण सोनं खरेदी करताना त्यावर लागणाऱ्या टॅक्स संबंधित माहिती नीट समजून घेत नाहीत. अनेक लोकांना हे देखील माहित नाही की, सोनं खरेदी केल्यानंतर पुन्हा विकताना त्यावर टॅक्स लागतो. आयकर विभागाने यासंबंधीत काही नियम तयार केले आहेत.
भारतात सोनं खरेदी करण्याचा चार पद्धती आहेत. पहिली फिजिकल गोल्ड म्हणजे सोन्याचे दागिने किंवा शिक्के खरेदी करणे. दुसरी पद्धत गोल्ड म्युच्युअल फंड, तिसरी पद्धत डिजिटल गोल्ड आणि चौथी पद्धत सॉवरेन गोल्ड बॉण्ड्स. जेव्हा तुम्ही हे सोनं विकता तेव्हा त्यावर टॅक्स लागतो. टॅक्सचे प्रमाण खरेदी केलेल्या पद्धतीवर अवलंबून असते.
1. दागिने आणि शिक्के विकल्यानंतर त्यातील नफ्यावर टॅक्स : सोनं खरेदी करण्याची सोपी पद्धत म्हणजे दागिने किंवा शिक्के खरेदी करणे. हे विकताना तुम्ही किती काळापर्यंत हे सोनं तुमच्याकडे ठेवलं त्यावरून टॅक्स ठरतो. सोन्याच्या विक्रीनंतर झालेल्या फायद्यावर टॅक्स लावला जातो.
2. गोल्ड म्युच्युअल फंड : सोन्याचा भाव ट्रॅक करण्यासाठी अशा प्रकारची गुंतवणूक केली जाते. यावर देखील फिजिकल गोल्ड सारखाच टॅक्स आकारण्यात येतो.
3. डिजिटल गोल्डवरील टॅक्स : डिजिटल गोल्ड ही सोनं खरेदी आणि विक्री करण्याची एक नवीन पद्धत आहे. डिजिटल गोल्डची विक्री करून त्यातून मिळालेल्या नफ्यावर फिजिकल गोल्ड आणि गोल्ड म्युच्युअल फंड सारखाच टॅक्स आकारण्यात येतो.
4. सॉवरेन गोल्ड बॉण्ड्स वरील टॅक्स : हे बॉण्ड आरबीआय मार्फत जारी केले जातात. 5 व्या वर्षी बाहेर पडण्याच्या करारावर 8 वर्षांच्या परिपक्वता कालावधीसाठी हे बॉण्ड आणले जातात. गोल्ड बॉण्ड प्रति वर्ष 2.50% या दराने व्याज आकारतात.