बहुजननामा ऑनलाइन टीम – भारत सरकार लवकरच कोरोना व्हायरसवरील लसीच्या (Corona Vaccine) रोलिंग रिव्ह्युचा (Rolling Review) निर्णय घेऊ शकतं. खास करून ऑक्सफर्ड-एस्ट्राजेनेका (Oxford-AstraZeneca) लस लवकरात लवकर उपलब्ध करण्यासाठी ही प्रक्रिया होऊ शकते.
लसीची मान्यता प्रक्रिया वेगानं व्हावी, यासाठी ही लस युनायटेड किंगडम (UK) मध्ये आधीपासूनच अॅक्सिलेरेटेड रिव्ह्युमध्ये आहे. कोरोना लसीसाठी तयार करण्यात आलेल्या नॅशनल एक्सपर्ट ग्रुपच्या (NEGVAC) एका वरिष्ठ अधिकाऱ्यानं यासंदर्भात संकेत दिले आहेत. ऑक्सफर्डच्या लसीचं भारतातील ट्रायल सीरम इन्स्टिट्युट ऑफ इंडिया करत आहे. इतर देशांच्या तुलनेत भारतात ही ट्रायल कमी सॅम्पल साईजनं होत आहे. रोलिंग रिव्ह्युच्या माध्यमानं या लसीची इव्हॅल्युएशन प्रोसेस वेगानं केली जाऊ शकते.
अशा पद्धतीनं केला जातो लसीचा रोलिंग रिव्ह्यु
एखाद्या लसीच्या रोलिंग रिव्ह्युनं रेग्युलेटर्सना तिच्या क्लिनिकल ट्रायलचा डेटा रिअल टाइम बेसिसवर तपासण्यासाठी मिळतो. सर्वसाधारणपणे कंपन्या सर्वप्रथम लसीचं ट्रायल करतात आणि नंतर त्याचा डेटा रेग्युलेटर्सना पाठवतात. रोलिंग रिव्ह्युमध्ये ट्रायल पूर्ण होण्याची वाट न पाहता विभाग निहाय तपासणी होते. तसंच इमर्जंसीमध्ये लसीला मंजुरी दिली जाऊ शकते. मात्र, रोलिंग रिव्ह्युमुळं लसीची मान्यता प्रक्रिया अधिक वेगानं होते. यात रेग्युलेटर्सना तिसऱ्या टप्प्यातील ट्रायल संपण्याची वाट पहावी लागत नाही.
UK च्या धरतीवर भारतात रोलिंग रिव्ह्यु शक्य
ऑक्सफर्ड-एस्ट्राजेनेका लसीचं परीक्षण युके आणि ब्राझीलमध्येही सुरू आहे. त्याचा डेटाही भारतीय रेग्युलेटर्ससोबत शेअर करण्यात येणार आहे. कारण, युकेमध्ये मेडिसिन्स अँड हेल्थ केअर प्रॉडक्ट्स रेग्युलेटरी अथॉरिटी (MHRA) संभाव्य लसीचा रोलिंग रिव्ह्यु करत आहे. कंपनी भारतातही अशा प्रकराच्या प्रोसेसची मागणी करू शकते.
परदेशातील ट्रायलवर भारताची नजर
अलीकडेच सीरम इन्स्टिट्युट ऑफ इंडियाचे (Serum Institute of India) मुख्य कार्यकारी अधिकारी (CEO) अदार पूनावाला (Adar Poonawalla) यांनी सांगितलं होतं, की सुरुवातीच्या ट्रायलमध्ये या लसीचा चांगला रिझल्ट आहे. परंतु, या लसीच्या पदेशात होत असलेल्या तिसऱ्या टप्प्यावरील ट्रायलसंदर्भात जाणण्याची सरकारची इच्छा आहे.
सीरम इन्स्टिट्युटला अप्लाय करावं लागेल
जागतिकस्तरावर आमचं लक्ष आहे. सीरम केवळ इम्युनोजेनिसिटी ट्रायल करत आहे. त्यांना युके आणि ब्राझील येथे तिसऱ्या टप्प्यावरील ट्रायलचा क्लिनिकल डेटाही आम्हाला द्यावा लागेल. आम्हाल माहिती आहे, की युके लसीसंदर्भात एक्सिलेरेटेड रिव्ह्यु करत आहे. त्यासाठी कंपनीनं अर्ज केल्यास आपणही यासंदर्भात विचार करू शकतो असंही पूनावाला यांनी सांगितलं.