बहुजननामा ऑनलाईन टीम – Winter Health Care Tips | थंडीच्या हंगामात लोकांना खोकल्याचा त्रास होतो. हे एखाद्या अॅलर्जीमुळे किंवा थंडीच्या प्रभावामुळे होते. खोकताना कधी कधी छातीत दुखते. बहुतेक लोक त्याकडे दुर्लक्ष करत असले तरी ते करू नये. डॉक्टर सांगतात की खोकताना छातीत दुखणे हा फुफ्फुसात सूज आल्याचा संकेत आहे. याला प्ल्युरीसी इन्फेक्शन म्हणतात. जर तुम्ही या समस्येकडे वेळीच लक्ष दिले नाही तर तुम्हाला फुफ्फुसाच्या गंभीर समस्येला तोंड द्यावे लागू शकते. (Winter Health Care Tips)
Join our Whatsapp Group, Telegram, and facebook page for every update
पल्मोनोलॉजिस्ट डॉ. विकास जैन सांगतात की, प्ल्युरीसी हा एक संसर्ग आहे जो न्यूमोनियामुळे होतो. हे कोणत्याही बुरशी किंवा बॅक्टेरियामुळेदेखील होऊ शकते. त्यामुळे अनेक आजारांचा धोका वाढतो. यामध्ये, फुफ्फुसांमध्ये रक्ताच्या गुठळ्या होण्याचा आणि काही प्रकरणांमध्ये कर्करोगाचा धोका असतो. सामान्यतः, लोक या समस्येला सामान्य संसर्ग किंवा सर्दीमुळे खोकला मानतात, परंतु तसे नाही.
खोकल्यासोबत छातीत दुखत असेल आणि हा त्रास दोन दिवसांपेक्षा जास्त काळ होत असेल तर दुर्लक्ष करू नका. अशा परिस्थितीत त्वरित डॉक्टरांशी संपर्क साधा. फुफ्फुसातील कोणतीही समस्या छातीच्या सीटी स्कॅनद्वारे शोधता येते. (Winter Health Care Tips)
प्ल्युरीसीची लक्षणे
१. सतत खोकला
२. श्वास घेताना छातीत दुखणे
३. छातीत जखडल्यासारखे वाटणे
४. घसा खवखवणे
अनेक दिवस टिकू शकतो संसर्ग
प्ल्युरीसी शरीरात किती काळ टिकते, हे संसर्गामुळे होते की जीवाणूमुळे होते यावर अवलंबून असते. जर ते व्हायरल इन्फेक्शनमुळे असेल तर ते चार ते पाच दिवसांत बरे होते, परंतु जर ते बॅक्टेरियाच्या संसर्गामुळे झाले असेल तर एक आठवडा लागू शकतो. त्याच्या उपचारासाठी डॉक्टर औषधे देतात. यामध्ये अँटिबायोटिक्स असतात. काही प्रकरणांमध्ये, वेदना किंवा सूज जास्त असल्यास, रुग्णाला इबुप्रोफेनसारखी औषधे दिली जातात.
Join our Whatsapp Group, Telegram, and facebook page for every update
कसा करायचा बचाव
फुफ्फुसाचा त्रास टाळण्यासाठी, स्वच्छ वातावरणात राहणे सर्वात महत्त्वाचे आहे. बाहेर जाताना मास्क घाला. तुम्ही धूम्रपान करत असाल तर सोडा. जर तुम्हाला सतत खोकला येत असेल तर स्वतःच्या मनाने औषध घेऊ नका, डॉक्टरांचा सल्ला घ्या.
फक्त आणि फक्त आरोग्याच्या (हेल्थ) बातम्यांसाठी ज्वाईन करा आमचा स्पेशल टेलिग्राम ग्रुप, फक्त क्लिक करा
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही.
त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Winter Health Care Tips | pleurisy infection in winters if you are suffering from cough then be alert
हे देखील वाचा :
Winter Hair Care | हिवाळ्यात केसांची घ्या चांगली काळजी, डँड्रफपासून सुटका मिळवण्यासाठी ५ घरगुती उपाय
Ajit Pawar | अधिवेशनात अजित पवार आणि देवेंद्र फडणवीस यांच्यात खडाजंगी