पुणे : बहुजननामा ऑनलाईन – वाहतूक विभागाच्या स्क्रॅप मटेरियलला भीषण आग लागल्याची घटना घडली आहे. डेक्कन विभागातील जंगली महाराज रस्त्यावर मॉर्डन कॉलेजजवळ हा प्रकार घडला असून अग्निशमन दलाचे जवान घटनास्थळी दाखल झाले आहेत.
डेक्कन वाहतूक विभागाचे जंगली महाराज रस्त्यावर मॉडर्न कॉलेजच्या रोडला कार्यालय आहे. याठिकाणी वाहतूक पोलीस कारवाई करून वाहने आणतात. त्याठिकाणी ही वाहने ठेवली जातात. त्यानंतर नागरिक म्हणजे वाहन चालक येऊन दंड भरून वाहने घेऊन जातात.
दरम्यान, आज दुपारी याठिकाणी स्क्रॅप मटेरियलला आग लागल्याची घटना घडली आहे. आग मोठया प्रमाणात लागली असून, अग्निशमन दलाच्या 4 गाड्या आणि पाण्याचे टँकर पाण्याचा मारा करून आग आटोक्यात आणण्यासाठी प्रयत्न करत आहेत.