बहुजननामा ऑनलाइन टीम – कर्नाटकचे मुख्यमंत्री बी़ एस़ येडीयुरप्पा(Yeddyurappa) यांनी मंत्रिमंडळाच्या विस्ताराची घोषणा केली आहे. आज दुपारी साडेतीन वाजता राजभवनात ७ नव्या मंत्र्यांना राज्यपाल मंत्री पदाची शपथ देणार आहे.
याबाबत मुख्यमंत्री येडीयुरप्पा यांनी सांगितले की, आम्ही आताच नवीन मंत्र्यांची यादी राज्यपालांना पाठविली आहे. एम टी बी नागराज, उमेश कट्टी, अरविंद लिंबावली, मुरुगेश निरानी, आर शंकर, सीपी योगेश्वरा, अंगारा एस हे मंत्रीपदाची शपथ घेतील.
येडीयुरप्पा हे नुकतेच दिल्लीत जाऊन पक्षश्रेष्ठींची भेट घेऊन आले होते. या भेटीत त्यांनी मत्रिमंडळ विस्तारावर चर्चा केली होती. मत्रिमंडळाचा विस्तार १३ जानेवारीला होणार असल्याचे त्यांनी तेव्हा सांगितले होते. त्यानुसार आज सकाळी येडीयुरप्पा यांनी नवीन मंत्र्यांची यादी जाहीर केली आहे.
