बहुजननामा ऑनलाइन टीम – बॉलवूड स्टार सलमान खान (Salman Khan) यानं आपला जीजू आयुष शर्माला (Aayush Sharma) घेऊन एक सिनेमा सुरू केला आहे. सलमान खान 2018 साली आलेल्या प्रविण तरडे (Pravin Tarde) डायरेक्टेड मुळशी पॅटर्न (Mulshi Pattern) या मराठी सिनेमाचा रिमेक करत आहे. खास बात अशी की, सलमान खान यात प्रमुख भूमिकेत आहे. अंतिम : द फायनल ट्रूथ (Antim : The Final Truth) असं या सिनेमाचं नाव आहे. सलमाननं सिनेमाच्या शुटींगला सुरुवात केली आहे. या सिनेमात अॅक्ट्रेस प्रज्ञा जयस्वाल (Pragya Jaiswal) ही देखील दिसणार आहे.
प्रज्ञा साऊथ इंडियातील प्रसिद्ध अभिनेत्री आहे. या सिनेमात ती सलमान खान सोबत रोमँस करताना दिसणार आहे. प्रज्ञानं अनेक हिट तेलगू सिनेमात प्रमुख भूमिका साकारल्या आहेत. तिची फॅन फॉलोविंग देखील मोठी आहे.
https://www.instagram.com/p/CKEPY3phCwS/
प्रज्ञाच्या वर्कफ्रंटबद्दल बोलायचं झालं तर 2014 साली आलेल्या विराट्टू आई डेगा या सिनेमातून तिनं डेब्यू केला होता. यानंतर तिनं अनेक सुपरहिट तेलगू सिनेमात काम केलं आहे. मिर्ची बॉय, फेंस, गुंट्रोडु, नक्षत्रम, जया जानकी नायक असे तिचे काही सिनेमे सांगता येतील.
प्रज्ञानं निशांत दहिया सोबत टीटू एमबीए सिनेमातून बॉलिवूडमध्ये पाऊल टाकलं होतं. परंतु हा सिनेमा बॉक्स ऑफिसवर काही खास कमाल दाखवू शकला नाही. प्रज्ञानं या सिनेमात लिड रोल साकारला होता.
असं सांगितलं जात आहे की, प्रज्ञा अंतिम सिनेमाच्या पूर्ण स्टारकास्ट सोबत गुप्त पद्धतीनं शुटींग करत होती आणि महाबळेश्वरच्या शेड्युलचा हिस्साही होती.
सलमान खान या सिनेमात सरदार पोलिसाच्या भूमिकेत झळकणार आहे. स्टोरी आयुष शर्माच्या भोवती फिरणार आहे. आयुष शर्मा एका गँगस्टरचा रोल साकारणार आहे ज्याला सलमान खान पकडण्याचा प्रयत्न करणार आहे. महेश मांजरेकर (Mahesh Manjrekar) या सिनेमाचं डायरेक्शन करत आहेत. सिननेमात अभिनेत्री महिमा मकवाना (Mahima Makwana) देखील दिसणार आहे. ती आयुषच्या अपोजिट काम करणार आहे.