नवी दिल्ली : वृत्तसंस्था – उत्तर प्रदेशचे मुख्यमंत्री योगी आदित्यनाथ यांनी चार अधिकाऱ्यांना मोठा दणका दिला आहे. ३ नोव्हेंबर २०१४ मध्ये ४ अधिकाऱ्यांनी नियम तोडून प्रमोशन घेतल्याची माहिती समोर आली. तेव्हा मुख्यमंत्री योगी आदित्यनाथ यांनी कारवाईचा बडगा उचलत त्यांना शिपायाची नोकरी करण्याचे आदेश दिले आहेत. दरम्यान, चार अधिकाऱ्यांनी नियमबाह्य प्रमोशन घेतल्याची माहिती मिळताच त्यांच्यावर कारवाई करण्यात आली आहे. त्यांना थेट अधिकारी पदावरून आता शिपायाची नोकरी करण्याचे आदेश देण्यात आले आहेत. नियमबाह्य प्रमोशन घेऊन उच्च पदावर किंवा अधिकारी पदावर जात असल्याच्या घटना पाहायला मिळतात. पण आता अशा घटनांवर चाप लावण्यासाठी ही मोठी कारवाई करण्यात आली आहे.
मिळालेल्या माहितीनुसार, ३ नोव्हेंबर २०१४ रोजी नरसिंह यांची शिपाई म्हणून तर दयाशंकर यांची चौकीदार म्हणून नेमणूक झाली होती. अनिल कुमार सिंह आणि विनोद कुमार शर्मा सिनेमा ऑपरेटर आणि सहाय्यक म्हणून नेमणूक करण्यात आली होती. या चारही जणांनी नियम तोडून एकाच वेळी ४ पदांवर आपलं प्रमोशन करून घेतलं. याची माहिती सरकारपर्यंत पोहोचल्यानंतर उत्तर प्रदेशचे मुख्यमंत्री योगी आदित्यनाथ यांनी कारवाई केली आहे.
दरम्यान, उत्तर प्रदेशच्या सूचना विभागातील ४ अधिकाऱ्यांच्या प्रमोशनवर केलेल्या कारवाईमुळे नियम तोडून प्रमोशन मिळवणाऱ्यांवर चाप बसेल असा विश्वास योगी आदित्यनाथ सरकारला आहे. आता या अतिरिक्त जिल्हा माहिती अधिकाऱ्यांच्या जागी शिपाई, ऑपरेटर आणि सहाय्यक अशा ४ जागा चार अधिकाऱ्यांना देण्यात आल्या आहेत.