बहुजननामा ऑनलाइन टीम – जगात हाहाकार माजवणाऱ्या कोरोनाच्या महासंकटातून आता कुठे थोडा दिलासा मिळत आहे. अनेक देशांमध्ये आपत्कालीन परिस्थितीमध्ये लसीकरणास मंजूरी मिळाली असून लसीकरणास सुरुवात(WHO) देखील झाली आहे. कोरोना संकटाबाबत तूर्त दिलासा मिळाले असला तरी एका प्रश्नोत्तराच्या सत्रादरम्यान जागतिक आरोग्य संघटनेच्या हेल्थ इमर्जंसी प्रोग्रॅमचे कार्यकारी प्रमुख मायकल रेयान यांनी कोरोना महासंकटाचे हे दुसरे वर्ष पहिल्या वर्षाहून अधिक कठीण असू शकतं असं म्हंटल आहे.
कोरोनावरील लस शोधण्यास तब्ब्ल १० महिन्याचा अवधी लागला.त्यानंतर काही देशांनी हि लस देण्यास सुरुवात केली आहे. हि लस देताना प्राधान्यक्रमही ठरवण्यात आला आहे.
भारतामध्ये येत्या १६ जानेवारीला लसीकरणास सुरवात होणार आहे. भारतातील 3 कोटी आरोग्य कर्मचारी तसेच फ्रंटलाईन वर्कर्सना प्राधान्याने लस देण्यात येणार आहे. यासंदर्भातील तयारी सध्या सुरु आहे. सिरम इन्स्टिट्यूटकडून प्रमुख शहरांमध्ये कोविशील्ड लस पाठवली असून लवकरच लसीकरणाला सुरुवात होणार आहे.
यादरम्यानच WHO च्या हेल्थ इमर्जंसी प्रोग्रॅमचे कार्यकारी प्रमुख मायकल रेयान यांनी म्हटलं की कोरोना व्हायरसच्या महासंकटामुळे दुसरे वर्ष हे ट्रान्समिशन डायनामिक्सच्या बाबातीत पहिल्या वर्षांच्या तुलनेत अधिक कठीण असू शकतं. बुधवारी सांयकाळी एका प्रश्नोत्तराच्या सत्रादरम्यान बोलताना रेयान यांनी म्हटलंय की, आपण दुसऱ्या वर्षात पदार्पण करत आहोत. हे वर्ष ट्रान्समिशन डायनामिक्स आणि इतर काही मुद्यांच्या बाबतीत कठिण असू शकतं.
जॉन्स हॉपकिन्स युनिव्हर्सिटीनुसार, जागतिक आरोग्य संघटनेने ११ मार्चला कोरोना व्हायरसच्या संक्रमणाला एक जागतिक महासाथ घोषित केलं होतं. त्यानंतर आतापर्यंत कोरोनाचे जगभरात ९.२१ कोटीहून अधिक लोक कोरोनाने संक्रमित आढळले आहेत. यामधील १९.७ लाख रुग्णांची स्थिती अधिक घातक आहे. कोरोनाच्या बाबतीत जगात सर्वाधिक फटका अमेरिका या देशाला बसला आहे. अमेरिकेत आतापर्यंत २३,०६७,७९६ रुग्ण आढळले असून त्यापैकी ३८४,६०४ रुग्णांचा मृत्यू झाला आहे. याबाबतची माहिती CSSE ने दिली आहे. त्याखालोखाल भारताचा क्रमांक लागतो. भारतात १०,४९५,१४७ रुग्ण सापडले असून पैकी १५१,५२९ रुग्णांचा मृत्यू झाला आहे. तर जगात कोरोना मृतांच्या बाबतीत ब्राझीलचा क्रमांक दुसरा लागतो.
जॉन्स हॉपकिन्स युनिव्हर्सिटीनुसार, जागतिक आरोग्य संघटनेने ११ मार्चला कोरोना व्हायरसच्या संक्रमणाला एक जागतिक महासाथ घोषित केलं होतं. त्यानंतर आतापर्यंत कोरोनाचे जगभरात ९.२१ कोटीहून अधिक लोक कोरोनाने संक्रमित आढळले आहेत. यामधील १९.७ लाख रुग्णांची स्थिती अधिक घातक आहे. कोरोनाच्या बाबतीत जगात सर्वाधिक फटका अमेरिका या देशाला बसला आहे. अमेरिकेत आतापर्यंत २३,०६७,७९६ रुग्ण आढळले असून त्यापैकी ३८४,६०४ रुग्णांचा मृत्यू झाला आहे. याबाबतची माहिती CSSE ने दिली आहे. त्याखालोखाल भारताचा क्रमांक लागतो. भारतात १०,४९५,१४७ रुग्ण सापडले असून पैकी १५१,५२९ रुग्णांचा मृत्यू झाला आहे. तर जगात कोरोना मृतांच्या बाबतीत ब्राझीलचा क्रमांक दुसरा लागतो.