बहुजननामा ऑनलाईन : मोबाईल ओपन करण्यासाठी आपण फिंगरप्रिंटचा वापर करतो आणि आता आपण व्हाट्सअॅप ओपन करण्यासाठी देखील फिंगरप्रिंटचा वापर करू शकतो. ही सिस्टीम आयफोन आयओएसमध्ये सहा महिन्यांपूर्वीच आली असून अॅण्ड्रॉइडमध्ये मात्र आता वापरता येणार आहे. यासाठी काही पाच स्टेप्स आहेत त्या जाणून घ्या.
१. प्ले स्टोअरमध्ये जाऊन बीटा युजर व्हा
प्ले स्टोअरमध्ये जाऊन ‘व्हाटसअॅप’ सर्च करा. व्हाट्सअॅपचा ऑप्शन आल्यावर खाली स्क्रोल केल्यावर ‘बीकम अ बेटा टेस्टर’ नावाचा ऑप्शन दिसेल. त्यावर जाऊन ‘आय एम इन’वर क्लिक करा.
२. व्हाट्सअॅपमध्ये सेटिंग्समध्ये जा
त्यानंतर व्हाट्सअॅपवर जाऊन वर दिसणाऱ्या तीन डॉट्सवर क्लिक करा. तिथे खाली एक मेन्यू दिसेल आणि अनेक ऑप्शन्स दिसतील. त्यापैकी सेटिंग्सवर क्लिक करा
३. अकाउंटमध्ये जा
सेटिंग्जमध्ये गेल्यावर तिथेही अनेक ऑप्शन्स दिसतील. प्रोफाइल फोटोच्या खाली दिसणाऱ्या अनेक ऑप्शन्स पैकी अकाउंटवर क्लिक करा.
४. फिंगरप्रिट लॉकचा ऑप्शन दिसेल
अकाउंटमध्ये गेल्यावर प्रायव्हसी सेटिंग्सचा ऑप्शन सिलेक्ट करा. प्रायव्हसी सेटिंग्समध्ये गेल्यावर सर्वात खाली फिंगरप्रिंट लॉकचा ऑप्शन दिसेल. या ऑप्शनवर क्लिक करा.
५. कन्फर्म करा
फिंगरप्रिंट ऑप्शनवर टॅप करा आणि नंतर ‘अनलॉक विथ फिंगरप्रिंट सेन्सर’ नावाचा ऑप्शन येईल. तेथील टॉगलला ऑन करा. असं करताच व्हाट्सअॅप हे कन्फर्म करायला सांगेल. कन्फर्म केल्यावर लॉक करण्याची वेळ १ मिनिट ते ३० मिनिटं निवडू शकता.