नवी दिल्ली : वृत्तसंस्था – इंडो-तिबेटियन बॉर्डर पोलीसांनी ( ITBP) लडाखमध्ये उणे 20 डिग्री तापमानात दिवाळी साजरी (soldiers-celebrate-diwali-in-ladakh-in-minus-20-degree-temperature) केली. 17 हजार फूट उंचावरील या ठिकाणी सध्याच तापमान हे शून्याखाली आहे. मात्र, तरीही आपला उत्साह कायम असणाऱ्या आयटीबीपीच्या जवानांनी वाजत गाजत दिवाळी साजरी (Diwali Celebration) केली. जवानांनी पारंपारिक स्वरुपातील पणत्या प्रज्वलित करुन एकमेकांना दिपावलीच्या शुभेच्छा दिल्या.
दिव्यांचा आरास, नाच गाणी गात जवानांनी दिवाळीच्या या पर्वाचा आनंद लूटला. लडाखमधून 2 हजार 488 किमी लांब भारत-चीन सीमा जाते. सध्या इथल तापमान हे उणे 20 डिग्री सेल्सिअस आहे ते थंडीच्या दिवसात उणे 40 डिग्रीपर्यंत खाली जाते, अशा प्रतिकूल परिस्थितीत सणउत्सव त्यांच्यामध्ये नवी प्रेरणा निर्माण करतात. यंदाच्या दिवाळीच्या सेलिब्रेशन दरम्यान जवानांनी माजी पंतप्रधान अटलबिहारी वाजपेयी यांचे प्रसिद्ध गीत ‘आओ फिर फिर दिया जलाएं’ गायले. तसेच ते दिवाळीनिमित्त देशवासियांना अर्पण केले आहे. सीमेवर लढणाऱ्या जवानांच्या आठवणींसाठी आपल्या दारात एक दिवा लावा, असे आवाहन पंतप्रधान मोदी यांनी देशाला केले होते.
शनिवारी स्वत: जैसलमेर येथील सीमेवर जाऊन मोदींनी यंदाची दिवाळी बीएसएफच्या जवानांसोबत साजरी केली. अतिशय बिकट परिस्थितीत देशाच्या सीमांचे रक्षण करणाऱ्या आयटीबीपीच्या जवानांचा दिवाळी सेलिब्रेशनदरम्यानचा उत्साह वाखाणण्याजोगा आहे. उत्तराखंडमध्ये मुख्यमंत्री त्रिवेंद्रसिंह रावत यांनी हर्शिल व्हॅलीतील कोपंग येथे जाऊन आयटीबीपीच्या जवानांसोबत दिवाळी साजरी केली. यावेळी त्यांनी जवानांना मिठाईचे वाटप केले.
