बहुजननामा ऑनलाइन टीम : पबजीचा टास्क पूर्ण करण्यासाठी एक अल्पवयीन मुलगा हिमाचलहून महाराष्ट्र पोहचला. या अल्पवयीन मुलाचा शोध महाराष्ट्रातून घेण्यात आला असून पोलिस आणि पालक त्याला आणण्यासाठी तेथे गेले आहेत. प्रकरण हिमाचल प्रदेशच्या सोलन जिल्ह्यातील आहे. मिळालेल्या माहितीनुसार, सोलनमधील कुनिहार भागातील एक अल्पवयीन मुलगा अचानक घरातून गायब झाला. कुटुंबीयांनी कुनिहार पोलिस ठाण्यात फिर्याद दिली होती. पोलिसांनी तपास सुरू केला असता किशोरच्या मोबाईलचे लोकेशन महाराष्ट्रातील औरंगाबादमध्ये सापडले. यानंतर पोलिस बाल युनिटने किशोरला थांबवून त्याला सुरक्षित ठेवले.
मिळालेल्या माहितीनुसार, 17 फेब्रुवारी रोजी कुनिहार भागातील एका व्यक्तीने आपला अल्पवयीन मुलगा बेपत्ता झाल्याची नोंद केली. पोलिस त्या युवकाच्या मोबाईलचे लोकेशन सतत तपासत होते. पोलिस सूत्रांकडून मिळालेल्या माहितीनुसार, पबजी गेम खेळत असताना तरूण आपले टास्क पूर्ण करण्यासाठी घराबाहेर पडला. आपल्या घरापासून काही किलोमीटर अंतरावर तो महाराष्ट्रातील औरंगाबाद जिल्ह्यातील मनमाडला पोहोचला हेही त्याला माहित नव्हते.
अतिरिक्त पोलिस अधीक्षक डॉ. शिवकुमार शर्मा यांनी सोलन येथील घटनेची माहिती देताना सांगितले की, 17 फेब्रुवारी रोजी अल्पवयीन मुलाच्या बेपत्ता झाल्याची फिर्याद पोलिसात दाखल करण्यात आली होती. किशोर महाराष्ट्रातील मनमाड येथे असल्याचे तपासात निष्पन्न झाले. तिथल्या पोलिसांशी संपर्क साधून किशोरला पकडले आहे. ते म्हणाले की, पालक व पोलिस या अल्पवयीन मुलास घेऊन जाण्यासाठी महाराष्ट्रात पोहोचले आहेत.