पुणे : बहुजननामा ऑनलाईन – Shri Sant Dnyaneshwar Maharaj Palkhi Marg | आळंदी व पंढरपूर या दोन महत्त्वाच्या धार्मिक स्थळांना (Alandi To Pandharpur Palkhi Rout) जोडणाऱ्या श्री संत ज्ञानेश्वर महाराज पालखी मार्गाची आज केंद्रीय मंत्री नितीन गडकरी (Nitin Gadkari) यांनी खासदार रणजीत सिंह नाईक निंबाळकर (Ranjit Sinha Naik Nimbalkar) व अधिकारी यांच्यासह पाहणी केली.
Join our Whatsapp Group, Telegram, and facebook page for every update
श्री संत ज्ञानेश्वर महाराज पालखी मार्ग (राष्ट्रीय महामार्ग – ९६५) हा २३४ किमी लांबीचा मार्ग हडपसर (पुणे) – सासवड – जेजुरी – निरा – लोणंद – फलटण – नातेपुते – माळशिरस – बोंडले – वाखरी – पंढरपूर असा असून या चौपदरी रस्त्याच्या दोन्ही बाजूला वारकऱ्यांच्या सोयीसाठी स्वतंत्र पालखी मार्ग समाविष्ट करण्यात आला आहे. या मार्गावर एकूण १२ पालखी स्थळे असून याठिकाणी वारकऱ्यांसाठी आवश्यक त्या सुविधा पुरविण्यात येतील.
सदर पालखी मार्गावर रस्त्याच्या दोन्ही बाजूंस वृक्षारोपण करण्याबरोबरच आवश्यक त्या ठिकाणी महाराष्ट्रातील
संत महात्म्यांची शिल्पे, भित्तीचित्रे, अभंगवाणी आदि बाबींवर आधारित काम करण्यात येईल. यामुळे मार्गाच्या सौंदर्यात भर पडेल तसेच वारकऱ्यांना वारीच्या दरम्यान या सुविधांचा फायदा होईल.
पालखी मार्गावर विशिष्ट प्रकारच्या वृक्षांची लागवड करण्यात येणार असून यामध्ये विशेषतः चंदन, तुळशी,
इतर सुगंधित वृक्षांबरोबरच वड, कडुनिंब, पिंपळ, चिंच या सावली देणाऱ्या वनौषधी वृक्षांची लागवड करण्यात
येत आहे. सद्यस्थितीत रस्त्याच्या मध्यात ५७,२०० व दोन्ही बाजूस मिळून १८,८४० वृक्षांची लागवड करण्यात
आली आहे.
Join our Whatsapp Group, Telegram, and facebook page for every update
Web Title : Shri Sant Dnyaneshwar Maharaj Palkhi Marg | Union Minister Nitin Gadkari inspects Shri Sant Dnyaneshwar Maharaj Palkhi Marg connecting Alandi and Pandharpur
हे देखील वाचा :
Nashik Accident News | देवदर्शनाहून परतताना बसचा टायर फुटून भीषण अपघात; दुचाकीस्वराचा मृत्यू