नवी दिल्ली : वृत्तसंस्था – घर खरेदी करण्याचे प्लॅनिंग करणार्‍यांसाठी देशातील सर्वात मोठी बँक एसबीआयने एक खास ऑफर दिली आहे. सणाच्या काळात एसबीआय आपल्या ग्राहकांना आकर्षक डील्स आणि ऑफर देत आहे. होम लोन दरात एसबीआय 0.25 टक्केची सूट देण्यासह प्रोसेसिंग फी सुद्धा घेत नाही. अशावेळी घर खरेदीची योजना आखणार्‍यांना फायदा मिळू शकतो. सध्या एसबीआय होम लोनवर प्रारंभिक व्याज 6.90 टक्के वार्षिकच्या दराने ऑफर करत आहे, जे 30 लाखांपर्यंतच्या कर्जासाठी आहे.
एसबीआयच्या या खास ऑफरबाबत…
1 एसबीआयकडून 30 लाख रुपयांपर्यंत लोनवर तुम्हाला वार्षिक 6.90 टक्के दराने व्याज द्यावे लागेल. एसबीआयद्वारे ऑफर करण्यात आलेला हा सर्वात कमी होमलोन व्याजदर आहे.
2 एसबीआय होम लोनवर फेस्टिव्ह सीझनमध्ये 0.25 टक्के व्याज दराची सूट देईल.
3 एसबीआयकडून लोन घेतल्यास या ऑफर अंतर्गत तुम्हाला कोणतीही प्रोसेसिंग फि द्यावी लागणार नाही. एसबीआय प्रोसेसिंग फी 100 टक्के माफ करण्यात येईल.
4 जर तुम्ही एसबीआय मोबाइल अ‍ॅप म्हणजे योनो अ‍ॅपद्वारे होम लोनसाठी अप्लाय केले तर यासाठी स्पेशल सूट दिली जाईल.
5 एसबीआयमध्ये 30 लाख रुपयांपर्यंत होम लोनवर 6.90 टक्केच्या व्याजदर द्यायचा आहे. तर, 30 लाख रुपयांच्यावर होमलोनवर हा व्याजदर 7 टक्के होईल. 75 लाख रुपयांपर्यंत घर खरेदी केल्यास ग्राहकांना 0.25 टक्केची व्याज सूट मिळेल.
6 व्याजात ही सूट ग्राहकांच्या सीबील स्कोअरवर अवलंबून असेल. सोबतच योनो अ‍ॅपद्वारे अर्ज केल्यासच ही सूट असेल.
