नवी दिल्ली : वृत्तसंस्था – पोस्ट ऑफिस आपल्या ग्राहकांना काही स्मॉल सेव्हिंग स्कीम देते. या डिपॉझिट स्कीम्स सुरक्षित, चांगल्या आणि गॅरंटेड रिटर्नसाठी ओळखल्या जातात. या स्कीम्स केंद्र सरकारच्या अंतर्गत असतात. तसेच यापैकी काही स्कीम्समध्ये भारतीय प्राप्तीकर कायद्याच्या कलम 80 सी च्या अंतर्गत करात सूट सुद्धा दिली जाते. या जमा योजनांवर व्याजदर दर तीन महिन्यात सरकारद्वारे ठरवला जातो. या सेव्हिंग स्कीम्सवर सध्याचे व्याजदार किती आहेत ते जाणून घेवूयात…
1. सीनियर सिटीझन सेव्हिंग स्कीम
सध्या या योजनेवर ग्राहकांना 7.40 टक्केच्या दराने व्याजदर दिला जात आहे.
2. सुकन्या समृद्धी योजना
सध्या या योजनेवर 7.60 टक्केच्या व्याजदाराने व्याज मिळत आहे. या योजनेत व्याजाची गणना वार्षिक आधारावर होते.
3. पब्लिक प्रॉव्हिडेंट फंड
या योजनेत किमान गुंतवणूक रक्कम एका आर्थिक वर्षात 500 रुपये आणि कमाल गुंतवणूक रक्कम 1.50 लाख रुपये आहे. या योजनेचा व्याजदर सध्या 7.10 टक्के वार्षिक आहे.
4. पोस्ट ऑफिस आरडी
यात किमान गुंतवणूक रक्कम 100 रुपये मासिक आणि कमाल गुंतवणूक रक्कमेची मर्यादा नाही. या योजनेत व्याजदर सध्या 5.80 टक्के वार्षिक आहे.
5. पोस्ट ऑफिस बचत खाते
सध्या या खात्यावर 4 टक्के दराने व्याज मिळत आहे.
6. नॅशनल सेव्हिंग्ज सर्टिफिकेट
ही योजना सध्या वार्षिक 6.80 टक्के व्याजदर देत आहे. व्याज मॅच्युरिटीनंतर मिळते.
7. पोस्ट ऑफिस मंथली इन्कम स्कीम
सध्या या योजनेत व्याजदर 6.60 टक्के आहे. व्याजाची गणना वार्षिक आधारावर होते, परंतु, व्याजाचे पैसे मासिक आधारावर मिळतात.
8. किसान विकास पत्र
या योजनेचा व्याजदर सध्या 6.90 टक्के आहे. व्याजाची गणना वार्षिक आधारावर होते. सध्या या योजनेत 124 महिने म्हणजे 10 वर्ष आणि 4 महिन्यात गुंतवलेली रक्कम दुप्पट होते.
9. पोस्ट ऑफिस टाइम डिपॉझिट
या योजनेत 5.50 ते 6.70 टक्केच्या दराने व्याज मिळत आहे. योजनेत व्याजाची गणना तिमाही आधारवर होते, परंतु व्याज वार्षिक आधारावर मिळते.
