काल म्हैसाळमधील दोन सख्ख्या भावाच्या कुटुंबातील 9 जणांचे मृतदेह आढळून आले होते. सांगलीतील मिरज परिसरात राहणाऱ्या या दोन सख्ख्या भावांच्या कुटुंबाने सामूहिक आत्महत्या केली. अशी प्राथमिक माहिती आहे. दरम्यान, या घटनेमुळे संपूर्ण जिल्ह्यात खळबळ उडाली आहे. तसेच या घटनेमुळे सर्वत्र हळहळ व्यक्त होत आहे. दरम्यान, या मृतांमध्ये 4 पुरुष आणि 5 महिलांचा समावेश आहे. एका खोलीत 3 मृतदेह तर दुसऱ्या खोलीत 6 मृतदेह सापडले. (Sangli Crime News)
पोपट यल्लापा वनमोरे (Popat Yallapa Vanmore) (वय 52), संगीता पोपट वनमोरे (Sangeeta Popat Vanmore) (वय 48), अर्चना पोपट वनमोरे (Archana Popat Vanmore) (वय 30), शुभम पोपट वनमोरे (Shubham Popat Vanmore) (वय 28), माणिक यल्लापा वनमोरे (Manik Yallapa Vanmore) (वय 49), रेखा माणिक वनमोरे (Rekha Manik Vanmore) (वय 45), अनिता माणिक वनमोरे (Anita Manik Vanmore) (वय 28), आदित्य माणिक वनमोरे (Aditya Manik Vanamore) (वय 15), अक्काताई वनमोरे (Akkatai Vanmore) (वय 72) अशी आत्महत्या केलेल्याचे नावे आहेत.
सध्या या सर्व मृतदेहांसोबत कोणतीही सुसाईड नोट न मिळाल्याने कर्जबाजारी होऊन
या 2 भावांच्या कुटुंबीयांनी ही सामूहिक आत्महत्या केली असावी, असा अंदाज व्यक्त करण्यात आला आहे.
दरम्यान आर्थिक, सावकारीच्या जाचातून वनमोरे कुटुंबाने आत्महत्या केल्याचा संशय असला
तरी सुशिक्षित कुटुंबाने व्याजाने पैसे घेऊन नेमके कुठे गुंतवले? याचाही पोलिसांना उलगडा करावा लागणार आहे.
दरम्यान, आत्महत्या प्रकरणी स्थानिक पोलीस तपास करत आहेत. ही सामूहिक आत्महत्या आहे की अन्य कारणे आहेत याचाही तपास सुरु आहे.
Web Title :- Sangli Crime News | 25 charged 11 detained in sangli mass suicide case nine people in the family commits suicide in mhaisal village miraj sangli