नवी दिल्ली : वृत्तसंस्था – देशातील सर्वात मोठी खासगी टेलिकॉम कंपनी रिलायन्स जिओने आपल्या ग्राहकांसाठी एक नवीन रिचार्ज ऑफर आणली आहे. 16 फेब्रुवारीपासून ही ऑफर सुरु झाली असून 28 फेब्रुवारी 2021 पर्यंत राहणार आहे. या ऑफर अंतर्गत रिचार्जवर 100 रुपयांपर्यंत कॅशबॅक आणि 1000 रुपयांपर्यंत बक्षीस दिले जाणार आहे.
पेटीएमसोबत रिचार्ज ऑफर : नवीन ऑफर अंतर्गत जर पेटीएम वरून जिओ नंबरचे रिचार्ज केल्यास 100 रुपयांपर्यंत कॅशबॅक ऑफर मिळणार आहे. ही ऑफर जिओच्या नवीन ग्राहकांसाठी पहिल्या, दुसऱ्या आणि तिसऱ्या रिचार्जसाठी आहे. तर जुन्या ग्राहकांना 1 हजार रुपयांपर्यंत बक्षीस मिळू शकते. या ऑफरचा फायदा मिळवण्यासाठी तुम्हाला पेटीएमवरून कमीत कमी 48 रुपयांचा रिचार्ज करावा लागेल.
फोनपे सोबत रिचार्ज ऑफर : जर तुम्ही जिओचे नवीन ग्राहक असाल आणि फोनपे वरून रिचार्ज करत असाल तर 140 रुपयांपर्यत कॅशबॅक मिळेल. तसेच 260 रुपयांचा स्क्रॅच अँड विन रिवॉर्ड मिळणार आहे. 140 रुपये दोन भागात मिळणार आहे. पहिल्या रिचार्जवर 80 रुपयांचा आणि दुसऱ्या व तिसऱ्या रिचार्जवर 60-60 रुपयांचा कॅशबॅक मिळेल. तर जुन्या ग्राहकांना पहिल्या रिचार्जवर 120 रुपयांपर्यंत कॅशबॅक मिळेल. ही ऑफर यूपीआय आयडीवरून रिचार्ज केल्यास मिळणार आहे. फोनपेच्या या ऑफरसाठी तुम्हाला कमीत कमी 125 रुपयांचे रिचार्ज करावे लागणार आहे.
ॲमेझॉन सोबत रिचार्ज ऑफर : ॲमेझॉनवर 125 रुपयांपर्यंत बक्षीस मिळेल. नवीन आणि जुन्या दोन्ही ग्राहकांसाठी या बक्षीसचे ॲमेझॉन शॉपिंगमध्ये केले जाऊ शकते.
फ्रीचार्ज सोबत रिचार्ज : फ्रीचार्जवरून जिओ नंबर रिचार्ज केल्यास 30 रुपयांचा कॅशबॅक मिळतो. जुन्या ग्राहकांना 20 रुपयांचा कॅशबॅक मिळतो. 30 रुपयांचा कॅशबॅक कूपन कोड JIO30 आणि 20 रुपयांच्या कूपनसाठी JIO20 आहे.
मोबीक्विक सोबत रिचार्ज : मोबीक्विक सोबत पहिली ऑफर 149 रुपये किंवा त्यापेक्षा जास्त यूपीआय रिचार्जवर केल्यास 5 टक्के कॅशबॅक मिळू शकेल. जास्तीत जास्त कॅशबॅक 50 रुपये आहे. या ऑफरचा फायदा घेण्यासाठी ग्राहकांना NJIO50 कोड टाकावा लागतो.
