पुणे : बहुजननामा ऑनलाईन – हडपसरमध्ये नोकरदार महिलेने लालसेपोटी 28 तोळे सोन्याच्या दागिन्यावर डल्ला मारून फरार झाली होती. मात्र, पोलिसांनी तांत्रिक तपासाच्या आधारे अवघ्या 24 तासांत जेरबंद केले. तिच्याकडून 28 तोळे सोन्याचे दागिने हस्तगत केले. चोरीची घटना 5 मार्च रोजी दुपारी 1 ते साडेचारच्या सुमारास घडली होती. त्यानंतर पोलिसांकडे तक्रार दाखल होताच तिला 24 तासांत जेरबंद करण्यात हडपसर पोलिसांना यश आल्याचे वरिष्ठ पोलीस निरीक्षक बाळकृष्ण कदम यांनी सांगितले.
बंगारेव्वा चंद्रम (वय 49, मूळ रा. चंद्रमा कोंकणगाव, विजयपुरा, चडचन, कर्नाटक) असे अटक केलेल्या महिलेचे नाव आहे.
याप्रकरणी विजय राजन फराटे (वय 33, रा. रो-हाऊस, अमरनगरी, गाडीतळ, हडपसर) यांनी हडपसर पोलीस स्टेशनमध्ये फिर्याद दिली. त्यानुसार गुन्हा दाखल करून महिलेला अटक केली आहे.
पोलिसांनी सांगितले की, फिर्यादी विजय फराटे यांच्याकडे बंगारेव्वा चंद्रम घरकाम करत होती. फराटे 5 मार्च रोजी आई-वडिलांना दीनानाथ मंगेशकर रुग्णालयामध्ये आरोग्य तपासणी कऱण्यासाठी घेऊन गेले होते. त्यावेळी नोकरदार महिलेने कपाटातून नोकरदार महिलेनेच 22 सोन्याचे व डायमंडचे दागिने, मंगळसूत्र, डायमंडच्या दोन अंगठ्या अडीच हजार रुपये रोख रक्कम असे एकूण 14 लाख 94 हजार 500 रुपयांच्या ऐवज चोरून पसार झाली होती. त्यानंतर ती पुणे-कोल्हापूर, कसाल (जि. सिंधुदुर्ग येथून प्रवास करून पुण्यात आल्याचे समजले, त्यानुसार पोलिसांनी हडपसर (रविदर्शन) येथे सापळा रचून तिला ताब्यात घेतले असता तिने गुन्ह्याची कबुली दिली. तिच्याकडे असलेल्या बॅग तपासली असता चोरीला गेलेला ऐवज मिळून असून, तिला अटक केली आहे.
अप्पर पोलीस आयुक्त नामदेव चव्हाण, पोलीस उपायुक्त नम्रता पाटील यांच्या मार्गदर्शनाखाली सहायक पोलीस आयुक्त कल्याणराव विधाते, हडपसर पोलीस स्टेशनचे वरिष्ठ पोलीस निरीक्षक बाळकृष्ण कदम यांच्या सूचनेप्रमाणे सहायक पोलीस निरीक्षक हनुमंत गायकवाड, पोलीस उपनिरीक्षक सौरभ माने, पोलीस हवालदार प्रदीप सोनवणे, नितीन मुंडे, सैदोबा भोजराव, समीर पांडुळे, संदीप राठोड, अविनाश गोसावी, शशिकांत नाळे, अकबर शेख, शाहीद शेख, प्रशांत टोणपे, सचिन जाधव, प्रशांत दुधाळ, निखील पवार यांच्या पथकाने ही कामगिरी केली.
