पुणे : बहुजननामा ऑनलाईन – शहर पोलीस दलातील दोन पोलीस निरीक्षकांच्या पिंपरी चिंचवड पोलीस आयुक्तालयात बदल्या करण्यात आल्या आहेत. राजेश प्रधान (विशेष पोलीस महानिरीक्षक) यांनी बदलीचे आदेश दिले आहेत.
वरिष्ठ पोलीस निरीक्षक राम राजमाने व वरिष्ठ पोलीस निरीक्षक राजेंद्र पाटील अशी बदली झालेल्या अधिकाऱ्यांची नावे आहेत.
राम राजमाने हे पुणे शहर पोलीस दलात कार्यरत असून, सध्या ते दत्तवाडी पोलीस ठाण्याचे वरिष्ठ निरीक्षक आहेत. तर राजेंद्र पाटील हे चंदननगर पोलीस ठाण्याचे वरिष्ठ निरीक्षक आहेत. नुकत्याच अंतर्गत बदल्या करण्यात आल्या होत्या. त्यात त्यांना पोलीस ठाण्याचे प्रभारी अधिकारी म्हणून देण्यात आले होते. मात्र त्यांनी शहर पोलीस दलातून विनंती बदल्या केल्या होत्या. त्यानुसार या बदल्या करण्यात आल्या आहेत. विशेष पोलीस महानिरीक्षक राजेश प्रधान यांनी या बदलीचे आदेश दिले आहेत.
