याबाबत माहिती अशी, सांगवी पोलीस ठाण्याच्या हद्दीत पुण्यश्लोक अहिल्यादेवी होळकर दशक्रिया विधी घाट येथे पवना नदीच्या किनारी आडोशाला तिघेजण बेकायदेशीर गांजा ओढत असल्याची माहिती अंमली पदार्थ विरोधी पथकाला मिळाली. त्या माहितीवरुन पोलिस पथकाने शनिवारी (18 डिसेंबर) रोजी कारवाई केली. आरोपी सुनील शितोळे (Sunil Shitole), असिफ सय्यद (Asif Syed), महेश रावलल्लू (Mahesh Rawallu) यांना ताब्यात घेतले. यांच्याकडून 1 हजार रुपये किमतीचा 40 ग्रॅम गांजा आणि 35 रुपयांचे गांजा ओढण्याचे साहित्य जप्त करण्यात आले आहे. दरम्यान, याप्रकरणी फिर्याद अमली पदार्थ विरोधी पथकाचे एपीआय जिलाणी मोमीन (API Jilani Momin) यांनी सांगवी पोलीस ठाण्यात (Sangvi Police Station) दिली. (Pune Crime)
Join our Whatsapp Group, Telegram, and facebook page for every update
दरम्यान, पोलिसांनी दुस-या केलेल्या कारवाईमध्ये यश सर्जेराव खवळे (Yash Sarjerao Khawale) (वय 19, रा. भाटनगर झोपडपट्टी, पिंपरी), मिनाज अजीज आलम (Minaj Aziz Alam) (वय 26, रा. काळेवाडी स्मशानभूमीजवळ) यांना ताब्यात घेतलं आहे. पिंपरी पोलीस ठाण्याच्या (Pimpri Police Station) हद्दीत भाटनगर येथे दोघेजण गांजा ओढत असल्याची माहिती मिळाली. त्यानूसार पथकाने रविवारी (19 डिसेंबर) रोजी कारवाई केली. या दोन्ही आरोपींकडून 10 ग्रॅम गांजा आणि गांजा ओढण्याचे साहित्य, असा एकूण 200 रुपयांचा ऐवज जप्त करण्यात आला. याप्रकरणी फिर्याद अमली पदार्थ विरोधी पथकाचे पोलीस हवालदार राजेंद्र बांबळे (Police Constable Rajendra Bamble) यांनी पिंपरी पोलीस ठाण्यात दिली.
Web Title :- Pune Crime | anti narcotics cell arrests five cannabis case pimpri chinchwad