पुणे : बहुजननामा ऑनलाइन – गेल्या काही दिवसांपासून पुण्यात कोरोना रुग्णांच्या आकडेवारीत पुन्हा वाढ होताना दिसत आहे. सोशल डिस्टन्सिंगच्या नियमांचे पालन होत नसल्याने पुणे शहरात कोरोनाचा प्रसार पुन्हा वाढू लागला आहे. पुणे शहरात शुक्रवारी (दि.19) 527 कोरोनाबाधित रुग्णांची वाढ झाली आहे. तर 280 कोरोनाबाधित रुग्णांनी कोरोनावर मात केली आहे. कोरोनामुक्त झालेल्या रुग्णांना रुग्णालयातून डिस्चार्ज देण्यात आला आहे. आज (शुक्रवार) दिवसभरात शहरातील विविध केंद्रावर 4 हजार 254 स्वॅब तपासणी करण्यात आली.
पुणे महानगरपालिकेच्या आरोग्य विभागाने दिलेल्या माहितीनुसार, शहरातील विविध रुग्णालयांमध्ये 159 गंभीर रुग्णांवर उपचार सुरु आहे. आज दिवसभरात चार रुग्णांचा उपचारादरम्यान मृत्यू झाला आहे. यापैकी 3 रुग्ण हद्दीबाहेरील आहेत आतापर्यंत 4 हजार 816 जणांचा मृत्यू झाला आहे. शहरात सक्रिय रुग्ण संख्या 2 हजार 399 इतकी आहे. शहरात आजपर्यंत 1 लाख 96 हजार 916 पॉझिटिव्ह रुग्ण आढळून आले आहेत. यापैकी 1 लाख 89 हजार 701 जण कोरोनामुक्त झाले असून त्यांना रुग्णालयातून डिस्चार्ज देण्यात आला आहे.
19 फेब्रुवारी
– दिवसभरात 527 पॉझिटिव्ह रुग्णांची वाढ
– दिवसभरात 280 रुग्णांना डिस्चर्ज
– पुण्यात कोरोनाबाधित 4 रुग्णांचा मृत्यू, 3 रुग्ण पुण्याबाहेरील
– 159 क्रिटिकल रुग्णांवर उपचार सुरु
– पुण्यात एकूण पॉझिटिव्ह रुग्णांची संख्या – 196916
– पुण्यात एकूण डिस्चार्ज रुग्णांची संख्या – 189701
– पुण्यात अॅक्टिव्ह रुग्ण – 2399
– ऑक्सिजनवर उपचार घेणारे रुग्ण – 325