बहुजननामा ऑनलाईन
कोरोना व्हायरसचा प्रादुर्भाव रोखण्यासाठी केंद्र आणि राज्य सरकार युध्दपातळीवर प्रयत्न करीत आहेत. स्थानिक प्रशासन देखील व्हायरसचा प्रादुर्भाव रोखण्यासाठी दिवस-रात्र एक करत आहे. पुण्यात गेल्या 24 तासात कोरोनाचे 351 नवे पॉझिटिव्ह आढळून आले आहेत तर दिवसभरात पुणे शहरातील 14 जणांचा मृत्यू झाला आहे. पुण्याबाहेरील 11 जणांचा आज पुण्यात मृत्यू झाला आहे. त्यामुळं आतापर्यंत पुणे शहरात कोरोनामुळं तब्बल 3844 जणांचा मृत्यू झाला आहे. आज दिवसभरातील समाधानाची बाब म्हणजे 950 रूग्ण हे उपचारानंतर बरे झाले असून त्यांना रूग्णालयातून डिस्चार्ज देण्यात आला आहे.
सध्या पुणे शहरातील एकुण कोरोनाबाधितांची संख्या 1 लाख 54 हजार 581 वर जाऊन पोहचली आहे. त्यामध्ये सर्वात समाधानाची बाब म्हणजे आतापर्यंत तब्बल 1 लाख 38 हजार 452 रूग्ण हे उपचारानंतर बरे झाले असून त्यांना हॉस्पीटलमधून डिस्चार्ज देण्यात आला आहे. सध्या पुणे शहरात कोरोनाचे 12 हजार 285 अॅक्टीव्ह रूग्ण आहेत. एकुण अॅक्टीव्ह रूग्णांपैकी 856 रूग्ण हे क्रिटिकल असून त्यापैकी 456 रूग्णांना व्हेंटिलेटरवरून उपचार दिले जात आहेत. कोरोनाचा प्रादुर्भाव रोखण्यासाठी नागरिकांनी घराबाहेर पडताना मास्क परिधान करावं तसेच सोशल डिस्टेन्सिंगचे नियम पाळावेत असं आवाहन प्रशासनाकडून वेळावेळी करण्यात आलं आहे.