बहुजननामा ऑनलाइन टीम : पोस्ट पेमेंट बँक (India Post Payment Bank) सुरू झाल्यानंतर आता सर्व सुविधा पोस्ट ऑफिसमध्ये उपलब्ध होऊ लागल्या आहेत, ज्या पूर्वी फक्त बँकेतच मिळत असत. इंडिया पोस्टमध्ये अनेक बचत योजना उपलब्ध आहेत.आपण गुंतवणूक करता तेव्हा आपल्याला बँक खात्यातून ठराविक व्याज मिळते. मात्र पोस्ट ऑफिसमध्ये आप बचत खाते, आवर्ती ठेव खाते (RD), सार्वजनिक भविष्य निर्वाह निधी (PPF),किसान विकास पत्र, मासिक उत्पन्न योजना खाते (MIS),सुकन्या समृद्धि योजना, मुदत ठेव खाते आणि ज्येष्ठ नागरिक बचत योजना (SCSS)या सर्व योजनांमध्ये व्याज दर वेगवेगळे असतात.
बचत खात्याच्या बाबतीत व्याज दर वार्षिक ४ टक्के आहे. या व्यतिरिक्त पोस्ट ऑफिस, ही बँकांसारख्या बचत खात्यावर एटीएम कार्ड देते. पोस्ट ऑफिस बचत खाते असलेली एखादी व्यक्ती एटीएम कार्डमधून पैसे काढू शकते. रोख पैसे काढणे, व्यवहार शुल्कासाठीही मर्यादा आहेत. पोस्ट ऑफिस एटीएम कार्ड सुविधेबद्दल काही महत्त्वाच्या आहेत. जाणून घेऊया या सुविधा….
पैसे काढण्याची मर्यादा
इंडिया पोस्टच्या वेबसाइटवर दिलेल्या माहितीनुसार आपण पोस्ट ऑफिस सेव्हिंग अकाउंटच्या एटीएम कार्डमधून एका दिवसात २५,००० रुपयांपर्यंत पैसे काढू शकता.
एकाच व्यवहारात तुम्ही १०,००० रुपयांपर्यंतची रोख रक्कम काढू शकता. इंडिया पोस्ट ग्राहकांना सर्व पोस्ट ऑफिस एटीएममधून विनामूल्य व्यवहार (आर्थिक आणि गैर-आर्थिक दोन्ही बाबी) देते. तथापि, एका दिवसात केवळ ५ ट्रान्झेक्शन केले जाऊ शकतात.
याशिवाय पोस्ट ऑफिस पंजाब नॅशनल बँकेच्या एटीएममधून सर्व ग्राहकांना मोफत ट्रान्झेक्शनची सेवाही पुरवते.
एटीएममधून किती शुल्क आकारले जाते
मेट्रो शहरांतील इतर बँकांच्या एटीएमपेक्षा पोस्ट ऑफिस सेव्हिंग्ज अकाउंट एटीएम कार्डसह तीन महिन्यांत तीन विनामूल्य व्यवहार केले जाऊ शकतात. त्याचबरोबर निम शहरांमध्ये असे ५ मोफत व्यवहार करता येतात. विनामूल्य व्यवहाराची मर्यादा संपल्यानंतर, आपल्याला पोस्ट बँक बचत खात्याच्या एटीएम कार्डद्वारे अन्य बँकांच्या एटीएममधून आर्थिक आणि गैर-आर्थिक दोन्ही व्यवहारांवर २० रुपये अधिक जीएसटी द्यावा लागेल.
Visit : bahujannama.com