नवी दिल्ली : वृत्तसंस्था – PAN-Aadhaar Card Link | तुमच्याकडेही पॅन कार्ड असेल तर ही बातमी तुमच्यासाठी खूप महत्त्वाची आहे. पॅन कार्ड धारकांना 31 मार्च 2022 पर्यंत त्यांचा कायमस्वरूपी खाते क्रमांक (PAN) आधार कार्ड (Aadhaar Card) क्रमांकाशी जोडण्याचा सल्ला देण्यात आला आहे. या मुदतीपूर्वी तुम्ही तुमचे पॅन आधारशी लिंक केले नसेल, तर तुमचे पॅन कार्डही निष्क्रिय केले जाऊ शकते. याशिवाय, तुम्हाला आधारशी पॅन लिंक करण्यासाठी 1,000 रुपये देखील द्यावे लागतील. (PAN-Aadhaar Card Link)
पॅनकार्ड धारकाची समस्या इथेच संपणार नाही, कारण अशी व्यक्ती म्युच्युअल फंड (Mutual Funds), शेयर, बँक खाती उघडणे इत्यादींमध्ये गुंतवणूक करू शकणार नाही, जेथे पॅन कार्ड सादर करणे आवश्यक आहे.
भरावे लागतील 10,000 रुपये
अशाप्रकारे अवैध ठरलेले पॅन त्या व्यक्तीने वापरले तर प्राप्तीकर कायदा 1961 च्या कलम 272N अंतर्गत, मूल्यांकन अधिकारी अशा व्यक्तीला 10,000 रुपये भरण्याचे निर्देश देऊ शकतात.
असे करा ऑनलाइन लिंक
– सर्वप्रथम इन्कम टॅक्सच्या वेबसाइटवर जा.
– आधार कार्डमध्ये दिल्याप्रमाणे नाव, पॅन क्रमांक आणि आधार क्रमांक टाका.
– आधार कार्डमध्ये फक्त जन्माचे वर्ष दिले असल्यास चौकोनावर टिक करा.
– आता कॅप्चा कोड टाका.
– आता लिंक आधार बटणावर क्लिक करा
– तुमचे पॅन आधारशी लिंक झाले आहे.
Join our Whatsapp Group, Telegram, and facebook page for every update
एसएमएसद्वारे करा लिंक
फोनवर UIDPAN टाईप करा. यानंतर 12 अंकी आधार क्रमांक टाका. त्यानंतर 10 अंकी पॅन क्रमांक टाका. आता टप्पा 1 मध्ये नमूद केलेला संदेश 567678 किंवा 56161 वर पाठवा. (PAN-Aadhaar Card Link)
निष्क्रिय पॅन कसे करावे सक्रिय
निष्क्रिय पॅन कार्ड सक्रिय करण्यासाठी तुम्हाला एसएमएस पाठवावा लागेल. यासाठी मेसेज बॉक्समध्ये जा. नोंदणीकृत मोबाइलवरून 10 अंकी पॅन क्रमांक टाकल्यानंतर स्पेस देऊन 12 अंकी आधार क्रमांक टाका आणि 567678 किंवा 56161 वर एसएमएस करा.
Web Title :- PAN-Aadhaar Card Link | pan aadhaar card link before 31st march you may have to pay rs 10000 penalty.