बहुजननामा ऑनलाइन टीम – राज्याच्या मुख्यमंत्रिपदी कर्तृत्ववान मराठा स्त्री व्हावी, अशी अपेक्षा बाळगणारा समाजात मोठा वर्ग आहे. यासाठी माझेदेखील शंभर टक्के समर्थन आहे, असे मत भाजप नेते आमदार आशिष शेलार ( BJP leader MLA Ashish Shelar) यांनी व्यक्त केले होते. शेलार यांच्या विधानावर शिवसेनेने टीका केली आहे. आशिष शेलार यांनी महाविकास आघाडीचा मुख्यमंत्री ठरवू नये. भाजपला सत्तेची स्वप्नं पडत आहेत आणि त्याच स्वप्नात(Anil Parab) त्यांनी भाजपच्या महिला मुख्यमंत्रिपदाचा उमेदवार ठरवावा, असा टोला शिवसेना नेते आणि परिवहनमंत्री अनिल परब (Shiv Sena leader and Transport Minister Anil Parab) यांनी लगावला आहे.
राष्ट्रवादी काँग्रेसचे अध्यक्ष शरद पवार यांच्या उपस्थितीत मुंबईतील यशवंतराव चव्हाण केंद्रात झालेल्या ”कर्तृत्ववान मराठा स्त्रिया” या पुस्तकाचा प्रकाशन सोहळा पार पडला. त्यावेळी शेलार यांनी त्या पुस्तकातील दाखला देत मराठा महिला मुख्यमंत्री व्हावी, असे मत व्यक्त केले होते. शेलारांच्या या विधानानंतर राजकीय वर्तुळात वेगवेगळ्या चर्चांना सुरुवात झाली आहे. त्यानंतर परब यांनी आज शेलारांच्या विधानावर प्रतिक्रिया ही दिली.
