बहुजननामा ऑनलाईन टीम : नागपूर जिल्ह्यातील भारसिंगी येथून खापाकडे जाताना जामगावजवळ राष्ट्रवादी काँग्रेसचे सर्वेसर्वा शरद पवार यांच्या ताफ्यातील एका गाडीचा अपघात झाला आहे. दरम्यान अपघाताच्या वेळी शरद पवार यांची लांब असल्याने शरद पवार सुखरूप आहेत. दरम्यान निवडणुकीची धामधूम संपल्यानंतर शरद पवार हे दौऱ्यावर आहेत. परतीच्या पावसामुळे नुकसानग्रस्त शेतकऱ्यांची भेट घेण्यासाठी म्हणून शरद पवार विदर्भाच्या दौऱ्यावर आहे. यावेळी जामगावजवळ पवार यांच्या ताफ्यातील एका गाडीचा अपघात झाला. पवारांच्या ताफ्यातील गाडीने बाईकस्वाराला जोरदार धडक दिली. या अपघातात बाईकस्वार गंभीर जखमी झाला असून बाईकचेही नुकसान झाले आहे.
या ताफ्यात शरद पवार यांच्या गाडीच्या ४ ते ५ वाहने मागे असणारी बॅलेनो या कारचा अचानक ब्रेक लागल्यामुळे हि गाडी एका बाईकस्वाराला जाऊन धडकली. पवार यांच्या ताफ्यातील एम्बुलन्समध्ये जखमी तरुणाला लगेच जलालखेडा प्राथमिक आरोग्य केंद्रात पाठविण्यात आले आहे.
दरम्यान, अलीकडच्या काळात राजकीय नेत्यांच्या ताफ्यातील गाड्यांच्या अपघाताच्या अनेक घटना समोर आल्या आहेत. ६ नोव्हेंबरला पारनेर तालुक्यातील गारखिंड घाटात भारतीय जनता पक्षाचे खासदार डॉ. सुजय विखे यांना सुरक्षा देणार्‍या पोलीस वाहनाचा मोठा अपघात झाला होता. तसेच ७ नोव्हेंबरला काँग्रेसचे कार्याध्यक्ष विश्वजित कदम यांच्या गाडीला पुण्यात अपघात झाला होता. या अपघातातून विश्वजित कदम थोडक्यात बचावले.
Visit : bahujannama.com
