मुंबई : बहुजननामा ऑनलाइन– Narayan Rane | शिवसेनेचे खासदार संजय राऊत (Sanjay Raut) यांच्यावर नुकतंच ईडीने (ED) कारवाई केली आहे. यामुळे राज्यात खळबळ उडाली. राऊतांवर केलेल्या कारवाईवरून मुंबई विमानतळावर (Mumbai Airport) आज शिवसेनेकडून (Shiv Sena) शक्तिप्रदर्शन केले जात आहे. त्यावेळी दिल्लीहून मुंबईत दाखल झालेल्या संजय राऊतांचं जंगी स्वागत करण्यात आलं. यावेळी संजय राऊत यांनी भाजपवर (BJP) हल्लाबोल केला आहे. यानंतर आता भाजप नेते (BJP Leader) आणि केंद्रीय मंत्री नारायण राणेंनी (Narayan Rane) देखील संजय राऊत यांच्यावर जोरदार निशाणा साधला आहे.
Join our Whatsapp Group, Telegram, and facebook page for every update
नारायण राणे (Narayan Rane) यांनी ट्विट करत संजय राऊत यांच्यावर निशाणा साधला आहे. ”कुठे नेऊन ठेवलाय महाराष्ट्र ? काळा पैसा मिळवायचाय, अन् कारवाई झाली की बोंबलायचं.. त्यानंतर केलेली पापं झाकण्यासाठी शक्ती प्रदर्शन करायचं. यातून जनतेने काय बोध घ्यावा ? संजय राऊत यांचं लक्ष पक्षप्रमुख पदावर की मुख्यमंत्री पदावर ?” अशा शब्दात नारायण राणेंनी राऊतांवर हल्लाबोल केला आहे.
कुठे नेऊन ठेवलाय महाराष्ट्र??
काळा पैसा मिळवायचाय, अन् कारवाई झाली की बोंबलायचं.. त्यानंतर केलेली पापं झाकण्यासाठी शक्ती प्रदर्शन करायचं. यातून जनतेने काय बोध घ्यावा?
संजय राऊत यांचं लक्ष पक्षप्रमुख पदावर की मुख्यमंत्री पदावर?— Narayan Rane (@MeNarayanRane) April 7, 2022
संजय राऊत काय म्हणाले ?
”तुम्ही आमचं काय करणार ? केंद्रीय तपास यंत्रणांच्या माध्यमातून भाजपा आमच्यावर हल्ले करत आहे. ते फारतर आम्हाला तुरुंगात पाठवतील. माझी तयारी आहे. आम्हाला ठार मारतील, आमची तयारी आहे. पण यापुढचे 25 वर्ष तुमचं राज्य महाराष्ट्रात येणार नाही याची तजवीज तुम्हीच करून ठेवली आहे. तुम्ही तुमची कबर महाराष्ट्रात खणली आहे. राजकीय विरोधक विचारानं सामना करायचा प्रकार असतो. पण तुम्ही केंद्रीय तपास यंत्रणांचा वापर करून सगळ्यांना उद्ध्वस्त करण्याचा प्रयत्न करत असाल, तर तुम्हीही उद्ध्वस्त झाल्याशिवाय राहणार नाही,” असं सजय राऊत यांनी भाजपवर निशाणा साधला आहे.
Join our Whatsapp Group, Telegram, and facebook page for every update
Web Title :- Narayan Rane | BJP leader and union minister narayan rane on shivsena leader and MP sanjay raut
Ajit Pawar | शरद पवारांची पंतप्रधान मोदींशी काय चर्चा झाली ? अजित पवारांनी दिलं स्पष्टीकरण