बहुजननामा ऑनलाइन टीम -नवी दिल्ली : वृत्तसंस्था – 2024 मध्ये लोकसभा निवडणूक होणार आहे. पण त्यापूर्वीच तृणमूल काँग्रेसच्या खासदाराने पंतप्रधानपदाबाबत मोठं वक्तव्य केलं आहे. डेरेक ओ ब्रायन यांनी याबाबतचे संकते दिले. ते म्हणाले, 2024 मध्ये विरोधी पक्षांकडून पंतप्रधानपदासाठी उमेदवार म्हणून पूर्वेत्तर भारताची महिला असेल.
एका कार्यक्रमात बोलताना डेरेक ओ ब्रायन यांनी हे वक्तव्य केले. ते म्हणाले, पुढच्या लोकसभा निवडणुकीपर्यंत देश नव्या चेहऱ्याकडे मोठ्या आशेने पाहील. पुढील पंतप्रधानपदाचा उमेदवार एक महिला असू शकते आणि ही महिला पूर्वेत्तर भारताची असेल, असे म्हणत ममता बॅनर्जी यांचे नाव जाहीररित्या घेण्याचे टाळले.
विधानसभा निवडणुकीनंतर चित्र बदलेल
ब्रायन यांनी पुढे सांगितले, की लोकसभा निवडणुकीत नेता कोण असेल, हे जनताच ठरवेल. मात्र, आम्ही आमचे लक्ष बंगालवर केंद्रीत केले आहे. पण बंगाल, तमिळनाडू, केरळ निवडणुकीनंतर या राज्यात भाजप नसेल. त्यानंतर निश्चितच देशातील राजकारणाचे चित्र बदललेले दिसेल, असेही ते म्हणाले. याशिवाय सध्या देश अशा चेहऱ्याच्या शोधात आहे, की त्याच्यावर विश्वास ठेवता येऊ शकेल.
मोदी सरकारकडून होतोय धमकावण्याचा प्रयत्न
मोदी सरकार विविध निर्णय घेऊन धक्का देत धमकावण्याच प्रयत्न करत आहे. चार तासांत नोटाबंदी करणे, कलम 370 रद्द करणे यांसारख्या निर्णयातून हे दिसत आहे, असेही ओ ब्रायन म्हणाले.