महाविकास आघाडीला 171 आमदारांचा पाठिंबा असल्याचे सांगितले जात होते. मात्र, विधान सभेमध्ये ते कधीही समोर आले नव्हते. राज्यसभेच्या निवडणुकीत सर्वप्रथम सरकारची परीक्षा झाली. त्यात शिवसेनेचे उमेदवार संजय पवार (Sanjay Pawar) यांचा पराभव झाला. त्यानंतर आता विधान परिषद निवडणुकीत काँग्रेसचे चंद्रकांत हंडोरे (Chandrakant Handore) यांचा पराभव झाला. या पराभवापेक्षा या सरकारला केवळ 150 आमदारांनी पाठिंबा दिल्याचे या मतदानात आढळून आले. त्याचा मोठा धक्का महाविकास आघाडीला बसला आहे. बहुमतासाठी 145 मते आवश्यक असतात. त्यामुळे हे सरकार काठावर असल्याचे दिसून आले. (Mahavikas Aghadi Government)
विधान परिषदेची मतमोजणी सुरु होण्यापूर्वीच दुसरीकडे एकनाथ शिंदे हे त्यांच्या आमदारांसह सोमवारी रात्री सात वाजताच खासगी विमानाने सुरत येथे गेले आहेत. त्यांच्याबरोबर प्रताप सरनाईक (Pratap Saranaik), संजय राठोड (Sanjay Rathore), अपक्ष आमदार चंद्रकांत पाटील (MLA Chandrakant Patil) यांच्यासह 12 आमदार शिंदे यांच्याबरोबर आहेत. ते दुपारच्या दरम्यान पत्रकार परिषद घेणार आहेत. त्यावेळी शिंदे यांची नेमकी भूमिका स्पष्ट होणार आहे. जर त्यांनी शिवसेनेतून बाहेर पडण्याचा व भाजपबरोबर जाण्याचा निर्णय घेतला तर, महाविकास आघाडी सरकार अल्पमतात येणार आहे. त्यामुळे पुढील काही तासातील राजकीय हालचाली अतिशय महत्वाच्या ठरणार आहेत.
Web Title :- Mahavikas Aghadi Government | Mahavikas Aghadi government likely to be in the minority? 13 MLAs including Eknath Shinde in Surat; Possibility to clarify role in the afternoon