कोल्हापूर : बहुजननामा ऑनलाईन – Kolhapur Crime | पुणे जिल्ह्यातील तळेगाव दाभाडे परिसरात घरफोड्या, वाहनचोरी करुन कोल्हापूरला पळून गेलेल्या चोरट्याला कोल्हापूर पोलिसांनी (Kolhapur Crime) अटक केली आहे.
गणेश नारायण आदमिले (वय ३४, रा. तळेगाव दाभाडे, ता. मावळ, जि. पुणे) असे या सराईत चोरट्याचे नाव आहे. त्याच्याकडून मोपेड, एलईडी, मोबाईल असा ८५ हजार रुपयांचा माल जप्त करण्यात आला आहे.
स्थानिक गुन्हे अन्वेषण पोलिसांचे पथक कोल्हापूर शहरात गस्त घालत असताना त्यांना राजारामपुरीतील शाहू मील परिसरात एक मोपेडस्वार संशयास्पदरित्या जात असल्याचे आढळून आले. त्यांनी या मोपेडस्वाराला अडवून चौकशी केली. तेव्हा त्याने पोलिसांना उडवा उडवीची उत्तरे दिली. त्यांच्याकडे अधिक चौकशी केल्यावर त्याच्याकडील मोपेड ही चोरीचे असल्याचे आढळून आले. त्याच्याकडील माल त्याने तळेगाव दाभाडे येथून चोरल्याचे तपासात निष्पन्न झाले. कोल्हापूर पोलिसांनी गणेश आदमिले याला अटक करुन तळेगाव दाभाडे पोलिसांच्या ताब्यात दिले आहे. आदमिले याच्याविरुद्ध कोल्हापूर, पुणे, मुंबईमध्ये सुमारे १५ हून अधिक गुन्हे दाखल आहेत.
Web Title : Kolhapur Crime | kolhapur police arrested a thief from pune
Join our Whatsapp Group, Telegram, and facebook page for every update
Sidharth Shukla | सिद्धार्थ शुक्लाच्या मृत्यूचं कारण अस्पष्टच? मुंबई पोलीस म्हणाले…