मुंबई : बहुजननामा ऑनलाइन – Keshav Upadhye | पेट्रोल आणि डिझेलच्या (Petrol and diesel) दरवाढीवरुन राष्ट्रवादी काँग्रेसच्या (NCP) खासदार सुप्रिया सुळे (MP Supriya Sule) यांनी संसदेत मुद्दा उपस्थित केला आहे. केंद्र सरकारने (Central Government) कोट्यावधी गरीब जनतेला दिलासा देण्यासाठी पेट्रोल, डिझेल आणि स्वयंपाकाच्या गॅसचे दर कमी करण्यासाठी प्रयत्न करावे, अशी मागणी त्यांनी केली आहे. सुप्रिया सुळे यांच्या या मुद्द्यावरुन आता भाजपचे (BJP) प्रवक्ते केशव उपाध्ये (Keshav Upadhye) यांनी पलटवार केला आहे.
सुप्रिया सुळेंच्या (MP Supriya Sule) या मागणीवर भाजपचे प्रवक्ते केशव उपाध्ये (Keshav Upadhye) यांनी ट्वीटच्या माध्यमातून निशाणा साधला आहे. केशव उपाध्ये म्हणाले की, ‘सुप्रिया सुळे ताई, मन मोठं करा! केंद्रानं अगोदरच कर कपात करून इंधन दर कमी केले आहेत. आता पाळी आहे जनतेच्या खिशातून ओरबाडणाऱ्या राज्यातील महाविकास आघाडी वसुली सरकारची, केंद्राच्या खांद्यावर बंदुक ठेवण्याऐवजी हा सल्ला थेट अजित पवार (Ajit Pawar) यांना द्या. ते तुमचं तरी ऐकतात का पाहू,’ असा टोला केशव उपाध्ये यांनी लगावला आहे.
Join our Whatsapp Group, Telegram, and facebook page for every update
काय म्हणाल्या होत्या सुप्रिया सुळे –
केंद्र सरकारने कोट्यावधी गरीब जनतेला दिलासा देण्यासाठी पेट्रोल, डिझेल आणि स्वयंपाकाच्या गॅसचे दर कमी करण्यासाठी प्रयत्न करावे, अशी मागणी राष्ट्रवादी काँग्रेसच्या खासदार सुप्रिया सुळे (MP Supriya Sule) यांनी गुरुवारी लोकसभेत केली आहे. तसेच, सर्वसामान्यांना महागाईची झळ बसली असून केंद्र सरकारने पेट्रोल, डिझेल आणि स्वयंपाकाच्या गॅसवरील कर कमी करावे. त्यामुळे सर्वसामान्यांना दिलासा मिळेल असंही सुप्रिया सुळे यांनी म्हटलंय.
Web Title :- Keshav Upadhya | bjp targets ncp mp supriya sule on petrol diesel price hike winter session.
Jitendra Awhad | जितेंद्र आव्हाडांचा इशारा; म्हणाले – ‘शिवसेनेचा मोठा भाऊ म्हणून आदर करु, पण…’