दशतवाद्याच्या मनातील सरेंडर करताना ठार मारण्याची भिती घालवण्यासाठी सुरक्षा दलाने त्याला दूरवरूनच सांगितले की, त्यास कुणीही गोळी मारणार नाही, फक्त त्याने शस्त्र टाकावे. सुरक्षा दलांचा हा प्रयत्न यशस्वी झाला आणि दशहतवाद्याने सरेंडर केले. लष्कराच्या या प्रयत्नाचा व्हिडिओ सोशल मीडियावर वायरल होत आहे.
व्हिडिओमध्ये लष्कराचा सुरक्षा कर्मचारी दशहतवाद्याला म्हणतो… इकडे ये इकडे ये …इकडे-इकडे…कोणी नाही चालवणार…कुणीही फायर नाही करणार…ये इकडे ये छोटू…ऑल पार्टी क्वाइट, जहांगीर मागे बघ… पँट घाल तुझी पँट घाल…आणि पुढे ये, इकडेच पुढे ये…बस येत रहा…जर्सी टाकून दे, जर्सी टाकून दे. हात वर कर (दहशतवादी हात वर करून सुरक्षा दलांकडे येताना दिसतो) अजून कुणी नाही ना? वेपन आहे? तेवढेच आहे…काही हरकत नाही…काही होणार नाही बेटा…एकदम आरामशीर..ये…ये …शाब्बास-शाब्बास…अरे त्याचे वेपन उचला.
दहशतवाद्याला दिले पाणी
दहशतवाद्याने सरेंडर करताच, सुरक्षा दलाचा एक जवान म्हणतो की, आराम से बेटा… तू चिंता करू नको…पाणी द्या, ए पाणी पाजा… सर्वांनी दूर रहा…सर्वांनी दूर व्हा…ये प्लीज…वेपन आहे? यानंतर दहशतवादी इशारा करतो आणि सुरक्षा रक्षक त्याच्याकडे जाऊन शस्त्र उचलतात. दशहतवाद्याच्या सरेंडरनंतर वडिल त्याला जवळ घेतात. वडिलाच्या गळ्यात पडताच तो रडू लागतो.
माहितीनुसार, जम्मू काश्मीरच्या चंडूरा परिसरात सुरक्षा दलांना एका घरात दशहतवादी लपले असल्याची माहिती मिळाली होती. माहिती मिळताच ताबडतोब पोलिसांनी आपल्या सोबत लष्कराची 55 आरआर आणि सीआरपीएफची टीम सोबत घेऊन ऑपरेशन सुरू केले. ज्यामध्ये लष्कराने दहशतवाद्याचे सरेंडर करून घेतले.
