प्रेयसीसोबत सिनेमा हॉलमध्ये ‘रंगेहाथ’ पकडला गेला पती, पत्नी आणि मेव्हणीनं केली ‘धुलाई’

इंदोर : बहुजननामा ऑनलाईन – रविवारी, इंदूरच्या खजराना पोलिस स्टेशन परिसरातील वेलोसिटी सिनेमाच्या बाहेर एकच गोधळ उडाला. सिनेमागृहात मैत्रिणीसोबत चित्रपट पाहायला आलेल्या पतीला त्याच्या पत्नी आणि मेहुणीने जोरदार मारहाण केली आहे. दरम्यान, नंदा नगरमध्ये राहणारा सौरभ एका शोरूममध्ये काम करतो आणि त्याच शोरूममध्ये काम करणारी आणखी एका मैत्रिणीसोबत तो रविवारी दुपारी एक चित्रपट पहायला गेला. ही बाब समजताच सौरभची पत्नी अनिता सिनेमाच्या गृहाच्या बाहेर आणि गाडीजवळ लपून बसली, तिचा नवरा तिच्या मैत्रिणीसमवेत बाहेर आल्यानंतर तेथे खळबळ उडाली. या अनिताने तिच्या बहिणीसमवेत तपतीसोबत त्या मैत्रिणीलाही मारहाण केली.

या हल्ल्याची माहिती मिळाल्यानंतर पोलिस घटनास्थळी दाखल झाले, परंतु तेथे महिला पोलिस उपस्थित नसल्याने पोलिसांना गोंधळ मिटविण्यासाठी बरीच मेहनत घ्यावी लागली. हा प्रकार शांत झाल्यानंतर पोलिसांनी त्या चौघांना पोलिस ठाण्यात जाण्यास सांगितले परंतु मैत्रीण आणि सौरभ पोलिस स्टेशनला न जाता गाडीतून पळून गेले. तर युवकाच्या पत्नीने खजराणा पोलिस ठाण्यात फिर्याद दिली आहे.

दरम्यान नंदा नगरात राहणार्‍या सौरभशी अनिताचे लग्न झाले होते. सौरभचे त्याच्या मैत्रिणीचे काही संबंध असल्याची माहिती अनिताला मिळाली होती. त्यामुळे तिने आपल्या पतीला रंगेहाथ पकडण्याचे ठरविले. तिचा नवरा तिच्या प्रेमिकाबरोबर वेलोसिटी सिनेमामध्ये चित्रपट पाहायला गेल्याचे समजताच अनिता आपल्या बहिण आणि कुटुंबातील इतर सदस्यांसह थिएटरमध्ये पोहोचली आणि दोघांनाही जोरदार मारहाण केली. दरम्यान दोघा पती-पत्नीमध्ये संबंध चांगले नव्हते, अशी माहितीदेखील मिळाली आहे. त्यांच्यासंबंधी खटलाही कोर्टात प्रलंबित आहे.

पती आणि मैत्रिणीने भांडण झाल्यानंतरही दोघांनीही कोणत्याही प्रकारच्या गुन्ह्याबद्दल तक्रार केलेली नाही. मारहाण करणार्‍या महिलेने खजराणा पोलिस ठाण्यात पती आणि त्याच्या सहकारी विरुद्ध तक्रार दिली आहे. याप्रकरणी तपास सुरू असल्याचे खजराना पोलिस ठाण्याचे प्रभारी प्रीतमसिंह ठाकूर यांनी सांगितले.