बहुजननामा ऑनलाईन टीम – जगात सर्वत्र कोरोनाचे संक्रमण वेगाने वाढत आहे, हे संक्रमण फक्त मोठ्या व्यक्तीनांच नाही तर अनेक लहान मुलांना झाले आहे. जगातील अनेक तज्ज्ञांच्या मते असे लोक कोरोनाचा सामना करू शकतात ज्यांची इम्युनिटी पॉवर चांगली आहे. अशामध्ये लहान मुलांमध्ये कोरोनासोबत अन्य आजारांचा सामना करण्यासाठी प्रतिकार क्षमता अधिक असणं गरजेचं आहे. लहान मुलांना खूप लवकर सर्दी, खोकला,ताप याचे संक्रमण होते त्यामुळे सध्या सुरू असलेल्या कोरोनाचा धोका निर्माण होण्याची शक्यता असते. तुमच्या मुलांना मजबूत करण्यासाठी खालील पद्धतींचा तुम्ही वापर करू शकता.
मायक्रोन्यूट्रियंट
लहान मुलांची प्रतिकार शक्ती वाढवण्यासाठी मायक्रोन्यूट्रियंट महत्वाची भूमिका निभावत असते. आईचं दूध बाळासाठी अत्यंत उपयुक्त असतं. सोबतच असे काही खाद्यपदार्थ ज्यामध्ये व्हिटॅमिन सी चे प्रमाण अधिक असते जसं की आवळा, पेरू, संत्री, लिंबू हे प्रतिकार शक्ती वाढवण्यासाठी उपयुक्त असतात. सोबतच यामध्ये आयर्नचं प्रमाण देखील असतं. आईने आपल्या दुधाची गुणवत्ता वाढवण्यासाठी व्हिटॅमिन बी मिळणारे पदार्थ खाल्ले पाहिजे.
नवजात मुलांना काही वेळ कोवळ्या उन्हात बसवा
नवजात बाळांना काही वेळ कोवळ्या उन्हात बसवलं पाहिजे. कारण कोवळ्या उन्हातून व्हिटॅमिन डी मिळतं, लहान मुलांची प्रतिकार शक्ती वाढवण्यासाठी मदत करतं आणि हाडं मजबूत राहतात. शिवाय सर्दी, खोकला आणि ताप यांसारख्या आजारापासून मुलांना दूर ठेवता येतं.
मुलांची मालिश करा
लहान मुलांची उन्हात बसून तेलाने हलक्या हाताने मालिश करा. त्यामुळे मुलांची हाडं आणि प्रतिकार शक्ती दोन्ही मजबूत होण्यास मदत होते. लहान मुलांची मालिश केल्यामुळे त्यांचं रक्ताभिसरण चांगलं होतं आणि त्यांना चांगली झोप लागण्यास मदत होते.
यशोदा सुपर स्पेशालिटी कोशाम्बीचे पेडियाट्रिक्स विभागातील डॉ विद्या बी घोष म्हणाले, कोरोनाची वाढत्या संक्रमणाच्या काळात लहान मुलांची प्रतिकार शक्ती वाढवणे खूप महत्वाचे आहे. 6 महिन्यांपर्यंत बाळाला आईचं दूध दिलं पाहिजे आणि सोबतच आईने तिच्या खाण्यापिण्याकडे लक्ष दिलं पाहिजे जेणेकरून बाळाला योग्य ते पोषण मिळू शकेल. आईच्या दुधातून बाळाला iron, व्हिटॅमिन, डिएचए मिळते. सोबतच सुरुवातीचे 6 महिने कॅल्शियम आणि iron supplement दिले पाहिजे, जेणेकरून बाळामध्ये अनेक अजारांशी लढण्याची क्षमता तयार होईल. घरात सर्व लोकांनी आनंदी आणि शांत राहिलं पाहिजे कारण बाळाला शांत आणि पोषक वातावरण मिळू शकेल. त्यामुळे बाळाच्या मेंदू आणि शरीराचा विकास होतो.