बहुजननामा ऑनलाइन टीम – गोव्याच्या माजी राज्यपाल मृदुला सिन्हा यांचे निधन (Mridula Sinha passes away)झाले आहे. मृदुला सिन्हा सुरुवातीपासून संघाशी जोडलेल्या होत्या आणि भाजपच्या प्रभावी नेत्या होत्या. त्यांच्या निधनानंतर पंतप्रधान नरेंद्र मोदी आणि गृहमंत्री अमित शाह यांनी दु:ख व्यक्त केले आहे.
पंतप्रधान नरेंद्र मोदी यांनी म्हटले की, मृदुला सिन्हा जी नेहमी जनसेवेसाठी केलेल्या प्रयत्नांसाठी ओळखल्या जातील. त्या एक चांगल्या लेखिका होत्या, ज्यांनी संस्कृतीसह साहित्याच्या क्षेत्रात मोठे योगदान दिले आहे. त्यांच्या निधनाने मी दु:खी आहे. त्यांचे कुटुंब आणि हितचिंतकाच्या दु:खात मी सहभागी आहे.
गृहमंत्री अमित शाह यांनी म्हटले की, गोव्याच्या माजी राज्यपाल आणि वरिष्ठ भाजप नेत्या मृदुला सिन्हाजी यांचे निधन खूपच दु:खद आहे. त्यांनी अखेरपर्यंत राष्ट्र, समाज आणि संघटनेसाठी काम केले. त्या एक निपुण लेखिकासुद्धा होत्या, ज्यांना त्यांच्या लेखणासाठीसुद्धा सदैव लक्षात ठेवले जाईल. त्यांच्या कुटुंबाच्या दु:खात मी सहभागी आहे. ॐ शांती.
27 नोव्हेंबर 1942 ला बिहारच्या मुजफ्फरनगरमध्ये जन्मलेल्या मृदुला सिन्हा गोव्याच्या पहिल्या महिला राज्यपाल होत्या. राजकारणाशिवाय साहित्याच्या क्षेत्रातसुद्धा त्यांचे नाव होते. त्यांनी आपल्या जीवनात 46 पेक्षा जास्त पुस्तके लिहिली आहेत. विजयाराजे सिंधिया यांच्यावर त्यांनी लिहिलेले पुस्तक ‘एक थी रानी ऐसी भी’वर चित्रपटसुद्धा आला होता.
त्यांचे पती डॉक्टर रामकृपाल सिन्हा बिहारमध्ये कॅबिनेट मंत्री आणि केंद्र सरकारमध्ये राज्यमंत्री होते. अटल बिहारी वाजपेयी यांच्या सरकार दरम्यान मृदुला सिन्हा केंद्रीय समाज कल्याण बोर्डाच्या अध्यक्षा होत्या. नंतर त्यांना गोव्याच्या राज्यपाल बनवण्यात आले होते.
